Ivan Bloch
.jpg)
Ivan Stanislavovic Bloch (Radom, 24 di giugnettu 1836 - Varsavia, 25 di dicèmmiru 1902/1901) (pi pulaccu: Jan Gotlib Bloch; russu: Иван Станиславович Блиох, Ivan Bliokh; tudiscu: Johann von Bloch; francisi: Jean de Bloch) fu nu bancariu e finanziaturi dî ferruvìi pulaccu chi didicau la sò vita a studiari la guerra muderna nnustriali. Doppu la vitturìa dâ Prussia/Girmania supra la Francia ntô 1870 s'addivintau assai ntirissatu ê limitazzioni dâ guerra muderna p'arrisòrviri li prubbremi dipromàtici europei. Pùbbricau sei vulumi dâ sò capu òpira, La Guerre Future (la guerra dû futuru), fattu cchiù pupulari ntô munnu anglufuni quannu vinni chiamatu: Is War Now Impossible? (La guerra mpussìbbili è oramai?), a Parìggi ntô 1898.
Cuntribbuzzioni â tiurìa
[cancia | cancia la surgenti]L'anàlasi di Bloch dâ guerra muderna, la sò tàttica e stratiggìa militari, e la significanza pâ sucitati, vinni diffunuta pi tutta l'Europa. L'argumentu di Bloch cumprinnìu sti parti:
- La nova ticnoluggìa dâ guerra muderna renni lu cuncettu di manovri supra la terra aperta surpassatu. Bloch cunchiudìu ca na guerra di stu gèniri addivintassi na guerra di trincera cu nudda pussibbilitati di na vitturìa dicisiva ntra picca tempu. Carculau ca li surdati cummattannu dî trinceri àppiru nu vantaggiu di na prupurzioni di 4:1 a ddi surdati avanzannu supra lu tirrenu apertu.
- Li sucitati muderni nnustriali addivintàssiru strinciuti a usari forzi armati d'un miliuni di surdati.
- La guerra di stu gèniri addivintassi nu cuntrastu dâ nnustria d'ogni paisi cu l'ovviu risurtatu dû lentu cunzumu di l'econumìa.
Lijami di fora
[cancia | cancia la surgenti]- The Jean de Bloch Foundation (pi ngrisi)
- Report on Bloch's Nobel Peace Prize nomination, 1901 (pi ngrisi)