Interslavu
L'interslavu (Medžuslovjansky / Меджусловјанскы) è na lingua ausiliaria pan-slava.
Lu sò scopu è di facilitari la cumunicazzioni ntra li parlanti di vari lingui slavi, accussì comu di cunsentiri ê cristiani ca nun pàrranu na lingua slava di cumunicari cu li parlanti slavi essennu riciprocamenti 'ntiliggìbbili câ maggiuranza, si non tutti, dî lingui slavi. Pî slavi e nun slavi, pò èssiri usatu macàri pì scopi ‘struttivi. Lu sò usu cumprenni n'ampia gamma di campi, cumprisi lu turismu e l'istruzzioni.
L'interslavu pò èssiri classificatu comu na lingua semi-custrujuta Essenziarmenti è na cuntinuazzioni muderna dû slavu dâ Chiesa antica, e pigghia puru dî vari formi linguìstichi mpruvvisati ca li slavi hannu usatu pi sèculi pi cumunicari tra nazziunalità, p'asempiu nta l'ambienti multislavi e supra internet, dannucci na basi scientifica. Quinni, sia la grammàtica ca lu vucabbulariu si bàsanu supra elimenti cumuni ntra li lingui slavi. Lu sò puntu principali è l'intilliggibbilità istantanea chiuttostu ca l'apprendimentu facili, n'equilìbbriu tìpicu dî lingui naturalistici (ô cuntràriu dî schemàtici).
Lu pruggettu ntirslavu accuminzau ntô 2006 cû nomu Slovianski. Ntô 2011, Slovianski subbìu na prufunna riforma e si juncìu cu àutri dui pruggetti, cû risultatu chiamatu "Ntirslavu", nu nomu ca fu prupostu pâ prima vota dô cecu Ignác Hošek ntô 1908.
Comu pi li lingui dâ famigghia dî lingui slavi, l'interslavu è ginirarmenti scrittu usannu li littri latini o cirìllichi, o nta rari accasioni la scrittura glagolìtica.