Iceta

Iceta di Sarausa ('n grecu anticu: Ἱκέτας, Hikétas; Sarausa, ... – III sèculu a.C.) fu tirannu di Sarausa dû 288 ô 279 a.C.

Biografìa

 morti di Agatocli, Menuni e Arcatutu foru esiliati. Rifuggiatu a Aitna, Menuni ammazzau lu sò cumpagnu e urganizzau n'asèrcitu di mircinari pi ricunquistari la cità. Iceta fu lu ginirali di li truppi ca difinnevunu Sarausa. Putìa cuntari supra nu cuntingenti abbastanza granni, ca vincìu puru li primi battagghi. L'allianza di Menuni chî cartagginisi s'addimustrau pirò dicisiva ntô cunflittu: Sarausa fu custritta a firmari nu trattatu di paci umilianti.

Ntra picca misi, ntô 288 a.C., li sarausani s'arribbillaru a li surdati mircinari, chiamati Mamirtini, e li scacciaru dâ citati. Iceta pigghia lu putiri ripigghiannu la tirannìa abbulita doppu la morti di Agatocli.

Duranti lu sò regnu, Iceta dichiaràu la guerra a Akragas, contra lu cui tirannu Fintia vincìu na vittoria a Hybla; fu scunfittu dî cartagginisi supra lu ciumi Teria. Ntô 279 a.C. fu esiliatu di Tinioni, picca prima di l'arrivu di Pirru.