Hiro Matsushita

Hiro Matsushita (Nishinomiya, 14 di marzu 1961) è n'omu d'affari giappunisi e ex pilota di cursi. È lu niputi di Kōnosuke Matsushita, lu funnaturi di Panasonic. Ntô 1989, Matsushita vincìu lu Campiunatu Atlànticu Toyota (Pacìficu), addivintannu lu primu e sulu pilota giappunisi a farilu Fu puru lu primu pilota giappunisi a curriri ntâ l'Indy 500.

Puru si era lu niputi dû funnaturi di Panasonic, rifiutò di èssiri etichettatu comu nu picciriḍḍu riccu ca putìa accattari la strata nna qualegghiè cosa. Iḍḍu mmeci travagghiàu dû funnu, accuminciannu la sò carrera ntê motociclisti ntô sò paisi tra lu 1977 e lu 1980, prima di passari a quattru roti. Si ritiràu dî cursi di Motocross addivintannu Campiuni ntâ riggiuni dû Kansai ntô 1980 a l'età di 19 anni.

Ntô 1987, Matsushita accuminciàu a curriri li Formula Ford - la Classi A dî cursi automobbilìstichi - L'annu doppu, travagghiàu cu Jim Downing nna na màchina Camel Lights e si assicuràu lu secunnu postu ntâ classi ntê 24 uri di Daytona e lu terzu postu ntê 12 uri di Sebring. Ntô 1989, Matsushita trasìu senza paura ntâ seri di Fòrmula Atlanticu e, â fini di ḍḍu annu, avìa rivinnicatu quattru vittori e lu campiunatu Toyota Atlanticu (divisiuni dû Pacìficu) cû margini di punti cchiù granni di tutti li tempi. Poi pruvau la Fòrmula Pacìfica ntâ Nova Zilanna e addivintau lu primu pilota giappunisi a vinciri la pristìggiusa Lady Wigram Trophy Race.

Matsushita è puru n'omu d'affari di successu e prupietà la Matsushita International Corp., na cumpagnìa spicializzata nna l'immòbili, li finanzi e l'assicurazioni. Chista cumpagnia è di prupietà di Swift Engineering, n’azienda di ncigniria miricana ca custruisci sistemi autònumi, elicotteri, suttamarini, navi spazziali, veiculi di terra, rubbòtica e parti cumposti. Swift era canusciuta pi la pruduzzioni di màchini di cursa pi varî serii di cursa a roti aperti comu la Formula Ford, la Formula Atlantic, la Champ Car World Series e la Formula Nippon.

Vuci currilati

Nta Commons s'attròvanu àutri mmàggini rilativi a Hiro Matsushita.