Giuvanni Filippu Ingrassias

Sta pàggina è òrfana, zzuè nun àvi lijami a tràsiri. Pi favuri, agghiunci na lijami a sta pàggina e scancella st'abbisu. Pâ lista cumpleta dî pàggini òrfani, vidi a pàggina dâ catigurìa.

Giuvanni Filippu Ingrassias (o Ingrassia) (Regarbutu (EN) 1510 - Palermu 6 di nuvèmmiru 1580), dittu macari l'Ippocrati sicilianu, fù na fiura assai mpurtanti ntâ storia di la scenza di l'anatumia umana.
Non si sapi tantu assai dâ sò famigghia, ma sapemu pi sicuru ca ncuminciau li studi di midicina a Palermu e, appoi, li cuntinuau a l'Universitati di Paduva, unni si pigghiau la làuria ntô 1537. Ntô 1544 ci vinni data la cattidra di midicina tiòrica e pràtica a l'Universitati di Napuli e chissu fu nu mumentu di granni successu: avìa addivintatu nu prufissuri di anatumìa e midicina accussì canusciutu ca assai assai studenti friquintàvanu lu sò corsu, e tanti vinìanu macari di l'estru.
Ntô 1556, pi raccumannazzioni dû viciré spagnolu di Sicilia e pi dicretu règgiu di Filippu II di Spagna, vinni chiamatu a Palermu comu Protumedicu ginirali (mèdicu principali) di Palermu. Ntô 1563 lu re, Filippu II, lu fici capu mèdicu dâ Sicilia e di l'ìsuli vicini.

Ingrassias era nu medicu sicilianu ca cia sapìa, e ca 'ntâ nu cummintariu d'ostiuluggìa di Galenu, currigghiu na puocu d'irruri.
Resi pâ prima vota na bona discrizzioni dâ vera cunfigurazzioni di lu sfinòidi e di lossu etmoidi, e ci appi lu meritu d'addiscriviri pâ prima vota (1546) lu terzu ossu di l'auriccia, ciamati , sibbeni a so distinzioni fu macari rivindicata di Eustachiu e Falloppiu.

Lijami di fora

Elòggiu stòricu di Giuvanni Filippu Ingrassias di lèggiri supra a google-libbra