Fucìlidi

Dâ Wikipedia, la nciclupidìa lìbbira.

Fucìlidi di Miletu (Asia Minuri) (VI sèculu a.C. ...) fu pueta grecu ca fu attivu nti la sicunna mitati di lu VI sèculu a.C.; di iddu nun si sapi quasi nenti, macari si n'hannu junciutu nzinu a oi assai frammenti di la sò òpira.

Scrivìu na cugghiuta di sintenzi murali nti l'esàmitri c'arrisùrtanu autugrafati di lu stissu auturi ccu la sprissioni 'n grecu anticu καὶ τόδε Φωκυλίδεω , "macari chistu è di Fucìlidi".

È d'annincari nu frammentu unni si fannu dirivari ogni tipu di fìmmina di n'armali particulari: chidda bedda di lu cavaddu, chidda schifinciusa di lu porcu, chidda upirusa di la lapa.

S'attribuìu a Fucìlidi macari nu puimuzzu didàtticu di circa 230 esàmitri, ca forsi nun è urigginali, e nti la rialitati datàbbili nti l'Etati Alissandrina, picchì cunteni cosi dirivati di l'Anticu Tistamentu e cuntrari a lu cumpurtamentu grecu; stu puimuzzu appi cumunqui nu granni successu nti li scoli di l'antichitati.