Finicottiru rosa
Lu finicottiru rosa (Phoenicopterus roseus) è na speci d'aceddu dâ famigghia dî finicottiri, canusciutu pi l'aspettu eliganti e li pinni rosa distintivi. St'aceddu è distribbuitu nta tanti riggiuni dû munnu, ntra cui l'Europa miridiunali, lu Mediu Urienti, l'Asia cintrali e arcuni banni di l'Africa. N Sicilia, culonii di finicottiri rosa s'attrovanu n particulari ê pantana di Longarini, a Marzamemi.
Carattirìstichi fìsichi
[cancia | cancia lu còdici]Lu finicottiru rosa è facilmenti arricanuscibbili pô so corpu loncu e nirvusu, lu coddu arcuatu e li jammi lonchi e fini. Lu sò piumaggiu è suprattuttu jancu, cu sfumaturi di rosa ca variunu di ntinsità a sicunna di l'età e dâ dieta. Lu beccu longu e curvu è unu dî carattirìstichi cchiù distintivi di st'aceddu, eggh'è usatu pi filtrari lu manciari di l'acqua. L'adulti hannu na sfumatura di rosa cchiù ntensa rispettu ê giuvini, ca accumincianu cu nu piumaggiu cchiù chiaru.
Habitat e distribbuzzioni
[cancia | cancia lu còdici]Lu finicottiru rosa prifirisci l'ambienti acquatici salmastri o alcalini, comu li laguni, li laghi salati e li paludi. E' prisenti n Europa, Àfrica e Asia, cu pupulazzioni ca migrunu a secunnu dâ staggiuni, trasfirennusi versu zoni cchiù càudi duranti lu mmernu.
Dieta
[cancia | cancia lu còdici]St'aceddu si nutri suprattuttu di virtibbrati acquàtici, comu li crustacei, li mulluschi e l'alghi, ca filtra di l'acqua usannu lu sò particulari beccu. La pigmintazzioni rosa dî sò pinni veni dî carutinòidi prisenti ntô manciari ca cunsuma, 'n particulari l'alghi.
Cumpurtamentu e Riproduzzioni
[cancia | cancia lu còdici]Lu finicottiru rosa è n'aceddu suciali ca campa 'n granni culonii, quarchi vota cumpostu di migghiara di ndividui. La riproduzziuni si virifica duranti la staggiuni cauda, quannu li finicottiri custruisciunu li sò nida ntà arii isulati pi evitari li pridatura. La fimmina fa n'ovu sulu, ca tutti dui li ginituri ncubanu. Li puddicini nasciunu cu nu piumaggiu grigiu e a picca a picca acquisisciunu lu culuri rosa carattirìsticu ntô tempu.
Cunzirbazzioni
[cancia | cancia lu còdici]Puru si la populazziuni cchiù granni di finicottiri non è attuarmenti minazzata, la speci è vulnerabbili a causa dâ perdita di l'habitat e dâ contaminazziuni di l'acqua. Arcuni paisi stannu implementannu misuri di prutizzioni pi assicurari la cunsirvazzioni dê culonii.