Eneidi

Dâ Wikipedia, la nciclupidìa lìbbira.
Jump to navigation Jump to search
Enea chi si ni va di Troia.

L'Eneidi (n latinu Aeneis) è un puema èpicu spartutu n dùdici libbra, li versi sù 9.896, è n esàmitri e lu scrissi Publiu Virgiliu Maruni tra lu 29 e lu 19 a.C. e cunta na storia chi durau quasi setti anni cu prutagunista Enea.

La cchiù mpurtanti òpira di Virgiliu nun fu finita nna li versi (chi n certi banni nun sù finiti), nni la cumpusizzioni e nni la struttura di la cumpusizzioni e ci sù cosi strammi, chissu picchì murìu lu pueta.

L'Eneidi avìa a èssiri strazzata pi vuluntà di cu la scrissi picchì nun la potti finiri. Augustu arriniscìu a sarvari lu puema e lu fici sistimari di li pueti Variu Rufu e Ploziu Tucca, amici ìntimi di Virgiliu; fu allura pubbricata senza junta o canciamentu, divinni accussì puema èpicu.

E' un puema encumiàsticu, n onuri di lu mpiraturi Augustu.