Egina (isula)

Egina vista dû spazziu.

Egina è n'isula dâ Grecia ca sâttrova a circa 40 kilomitri di Ateni, e n'autri tanti dû Pelupunnesu. Havi na estinsioni di 87,4 kilomitri quatrati e na pupulazzioni di circa 13000 abbitanti, di cui la mitati âbbitanu nti l'omonima cità capulocu di l'isula e portu principali.

Abbitata ggià n'ebbica preistorica, Egina appi nu ruolu mpurtanti n'ebbica arcaica (1500- 800 a.C.), primi di siri suttamissa ê citati statu ca si furmaru n'èbbica classica.

Tra li siti archiològgici di na certa mpurtanza fijura lu tempiu di Afaia, eriggiutu versu lu 490 a.C. e chi s'attrova a na quinnicina di kilòmitri a est di la cità di Egina. Ntê mmidiati vicinanzi dû portu di Egina s'attrova lu sito di Kolona, unni si ponnu vidiri li ruvini di nu paisi abbitatu n'èbbica arcaica.

L'econumia di l'isula è basata supra la pisca, lu turismu, e l'agriculrtura. Egina è canusciuta pi na qualitati di pistacchiu curtivatu nti tutta l'isula.

A sud di l'isula s'attroca lu portu di Perdika, assai apprizzatu dê turisti ntê stati, pi sò risturanti di pisci, e li spiaggi di la vicina isuledda di Moni.