Discussioni file:Uomo siciliano.jpg
 |
Sta vuci cunteni nfurmazzioni ca ponnu criari situazzioni di pirìculu e di danni. Li dati prisenti nun hannu nuddu valuri di stìmulu, ma sulu p'allustrari. Nun hannu, appoi, nuddu valuri priscrittivu mèdicu. Talìa l'avvirtenzi |  |
Rimuzzioni o foturitoccu di l'immaggini dâ sigaretta[cancia la surgenti]
Sugnu assulutamenti cuntrariu a lu fumu e â pubbriccizzazioni di gghienti ca fumanu.
Vulissi sapìri si putissimu fari nu foturitoccu a st'immaggini ppi cancillarici a sigaretta.
Nun canciassi puoi tantu...
Ma ppi mia si faci cunfusioni tra pirsuni saggi 'nziani siciliani e gghienti babbi ca fumunu li sigaretti.
Grammirzì ppi l'attinzioni.
Maurice Carbonaro (msg) 12:34, 20 mar 2009 (CET)
- Jù fumu e nun mi sentu babbu, ma assai cchiù saggiu di tanti àutri ca non fùmanu ! Veru è, lu fumu fà mali ! Ma quannu jù accuminciai a fumari, nuddu lu dissi ca facìa mali; sparti li sicaretti èranu vinnuti sfusi (a una a una):accussì macari li picciutteddi si putianu accattari. Sparti èranu vinnuti (comu sù ora) dû monupòliu dû statu: e un picciutteddu pinzava "sù vinnuti dû statu... nun è na cosa mala !". Aora, ca haiu la dipinnenza dû fumu, mi vènunu a diri ca lu fumu è na cosa mala, ca nun haiu a fumari ntê lochi pùbbrichi pirchì ci faci dannu a l'àutri (giustu)... ma a mia cui mi paga li danni !!
Aora, sparti, m'haiu a sèntiri diri babbu !! - Veru è, babbu sugnu... ma semu tutti babbi ! Semu babbi pirchì nun dicemu nenti pê vileni ca tutti li jorna nni fannu tràsiri d'intra li purmuna, ntô stòmmacu e d'intra ogni cèllula di l'urganìsimu: talìa Priolu, Austa, Gela, Milazzu (a Austa si scàntunu macari di fari na bunifica dû funnu dû mari chinu di mircùriu); si parra di cintrali nucliari 'n Sicilia e nuddu dici nenti; ntê campagni s'usanu dissirbanti, pisticiti e ogni fitinzia e tutti muti; e ancora... e ancora...
E jù m'haiu a sentiri babbu ! Pirchì la moda dici ca hamu a dari 'n coddu ê fumatura, mentri ca lu terra sta murennu e tutti ni nni futtemu !
Ah - dici - ma chissu è lu prezzu ca s'hà pajari pô prugressu ! Prugressu pi cui ? Lu prugressu dî babbi ! Quannu non c'è cchiù acqua pi bìviri ( o p'avilla s'hà pajari) e la stissa cosa pi l'ària di rispirari, lu prugressu lu sacciu iù unni nni l'hamu ntappari !
L'àutru jornu assistìi a na scena e la vogghiu cuntari: c'eranu l'upirai di l'espurgo pozzi neri (chiddi ca pulizzìanu li fogni) e a nu certu puntu a unu di chissi cci vinni di fari nu scureggiu; l'àutru upiraiu, allura, risintutu lu rimpruvirau: "non lu putevi fari cchiù ddà, ca facisti un fetu ca si mori !" - Lu primu (chiddu c'avìa scuraggiatu) ancora lu talìa: "comu, semu 'n menzu a merda e mi dici ca un piritu fa' fetu ?"
- Sugnu cuntrariu a mudificari la mmàggini ! Si s'hà mudiciari o rimòviri chissa, allura ham'a mudificari tutti li mmàggini c'ammustranu cintrali nucliari, muturi di màchini, culonni di raffinazzioni dû pitròliu è tanti àutri cosi sìmmuli di civiltati nnustriali (e di l'ipugrisìa dî veri babbi). Salutamu ! --Santu (msg) 15:36, 20 mar 2009 (CET)
Spara e cogghi?[cancia la surgenti]
Caru Santu, jo nun u sapìa ca fumautu... picciò mi rispiaci ca t'affinisti.
Ma c'ama ffari... "spara e cogghi"?
Beni ora lu sai ca fa mali... li cosi cangiarru, no?
Jo puoi abbitu a Rausa propriu in mienzu a lu triangulu "Austa, Gela e Milazzu".
C'avissi a ddiri e ... comu fai a diri ca "nun ricu nenti" ??
Ma chi o sai ca astura soffru d'allirgii e d'asma brunchiali?
Certu ca sti posti nun ajutanu ma l'incrimentu d'allirgii, d'asma e di iczema aumintarri a livellu glubbali.
Viri pa isempiu li grafici di l'incrementa ca ci fuorru in Finlandia di lu 1966 a lu 2003.
Sunu tutti a ccianari! E aumintarru nta certi casi di cchiu sai di lu 200%!
Certu ca lu fumu NUN ajuta propria... anzi!
Chissu sicunnu mia stapi a significari ca unu si li va a circari li prubblema...
Viri si ni fanu cchiu danni
- li p**iti di l'opirai di l'espurgu pozzi neri;
- li cintrali nucliari,
- li muturi di màchina,
- li culonni di raffinazzioni dû pitròliu;
- lu tirrorismu 'ntirnazziunali o...
- lu fumu di sigaretta.
Parissi ca ni fa chiu dannu lu fumu i sigaretta: anzi faci cchiu dannu a ttia non a mmia.
Lu ricunu li statisttichi no jo.
Comunqui t'arringrazziu ppa to opinioni.
Salutamu.
Maurice Carbonaro (msg) 00:12, 21 mar 2009 (CET)
Criazzioni di nu gruppu feisbuc cu st'immaggini[cancia la surgenti]
Salutamu,
vi vulissi fari curtisimenti nutari ca a statu criàtu nu gruppu feisbuc ciamatu "fieri di essere SICILIANI (ca a li ori 8:29 di lu 1° aprili 2009 avìa 13.886 membri) ca utilizza st'immaggini di n'omminu "sicilianu" ca fuma.
Jo mi ritiennu sullivatu di quarsiasi rispunsabbilitati pinali annessi e cunnessi comu amministraturi picchi mi n'addunai, e vi lu fici nutari, ca mi parìa sbagghiatu mintiraccilla...
Forsi ca ci sunu certuna ca nun s'addunanu ca a wikipedia stapi accuminzannu a funzionari comu "na cassa ri risunanza" e l'amministratura avissiru a ffari tanticcedda cchiu attinzioni a so chi carricanu.
Statimi bona.
Grammirzì ppi l'attinzioni.
Maurice Carbonaro (msg) 08:34, 1 apr 2009 (CEST)
