Discussioni:Usu dâ «E» sulu quannu è accintata

Dâ Wikipedia, la nciclupidìa lìbbira.
Jump to navigation Jump to search

Scusati, ma vogghiu capiri bonu picchi viautri iti accittannu sti "eccizzioni" supra sta reula? La prova nun esti abbastanti chiara, ca ntra lu vucalisimu sicilianu nun asisti l' "e" atonica? Siddu li nostri picciriddi nun avissiru iutu a scola ammizzannusi sulitu l'italianu pi 150 anni, sta reula nun avissi nuddu "eccizzioni". La lingua cui l'avi a addifenniri siddu nun niautri?

Sicunnu a mia l' "eccizzioni" nun s'hannu a essiri. Tutti li palori ca trasinu ntra la lingua siciliana hannu a patiri lu stissu prucessu di vucalizzazzioni ca hannu patutu pi tutti l'anni prima di l'upprissioni linguistica, senza "eccizzioni". Vasinno simu ancora sempri n'autru passu chiui agghiri lu "dialettu riggiunali".

E n'avimu a ricurdari ca, tanti voti, Piccitto pubricau li risurti di li so vari chistiunari inchiuti di citatini prufani, li stissi citatini ca vannu ogni iornu a scola pi studiari l'italianu, ca ascutanu l'italianu supra la TV e la radiu e ca leinu l'italianu ntra lu iurnali. Sti stissi citatini n'hannu a infurmari supra li furmi linguisticamenti curretti? Certu ca ni ponnu infurmari supra lu dialettu sicilianu ca ammiscanu sempri chiassai cu l'italianu, ma supra li reuli di la linguistica siciliana? Criu pi st'urtima fussi megghiu sapiri e sequiri li reuli. No?

E esti impurtanti midemma capiri ca la cosa scritta nun esti sempri la cosa iusta. Latinisimi e italianisimi ntra sti opiri ca iemu citannu sunnu veru assai. Basari li nostri reuli supra vari pitazzi nun ni cummeni.

Sulu lu pariri meu.

Micheli 08:16, 25 Austu 2007 (UTC)

  • Ciau Micheli, liggennu stu tò missaggiu unu poti addunàrisi ca ami assai la nostra lingua vera, lu sicilianu, e sugnu sempri cuntenti assai di lèggiri li tò missaggi, ma t'haiu a arrispùnniri ca tutti li palori straneri ca tràsinu la lingua siciliana nun pàtinu tutti ntô stissu modu nu prucessu d'addibbulata dî vucali nun tònichi. Ci sunnu palori straneri sicilianizzati (supratuttu chiddi ricenti) ca sàrvanu la "e" nun accintata. Li lingui (supratuttu chiddi ca sunnu cchiù parrati di scritti) si càncianu nta lu tempu e a càusa di lu cuntattu cu l'àutri lingui. E' na cosa nurmali. Scrìviri na lingua è na cosa mpurtanti ca pirmetti di "stabbilizzari" li furmi scritti (ma puru chiddi urali). Tutti li lingui ca foru scritti si stabbilizzaru abbastanti bonu: lu ngrisi cu William Shakespeare, lu spagnolu cu Miguel de Cervantes Saavedra, lu tudiscu cu Martin Luther, lu tuscanu cu Dante Alighieri, ecc. T'arricordu ca la purificazzioni linguìstica, nun la putemu fari nuàutri (pirchì nun semu di li linguisti). Lu scopu di sta wikipedia è di scrìviri artìculi 'n lingua siciliana usannu li palori cchiù diffusi nta la Sicilia (doppu aviri fattu lu paraguni e la silizzioni dî palori siciliani purtati di li rifirimenti littirari cchiù famusi). Salutamu! --Sarvaturi 11:43, 27 Austu 2007 (UTC)
  • Ogni lingua havi li soi ccizzioni. Cû sicilianu mi veni pi testa: «secunnu»; «cuegghiè»; «essennu»; «ecunòmicu»; etc. πίππύ δ'Ω∑ - (waarom? jus'b'coz!) 13:14, 27 Austu 2007 (UTC)
  • Ciau, asìstinu li palori siciliani "perìudu" (pirìudu), "direzziòni", "precìsu", "reggiùni" (riggiuni), "certificàtu", ecc. Salutamu! --Sarvaturi 09:05, 29 Austu 2007 (UTC)