Discussioni:Carmelo Pitronaci

Ciau a tutti, ccà sutta putiti lèggiri na puisìa sò ca attruvai ntô situ di Nino Lacagnina:

Prijera a lu Bamminu

Signuri, quannu veni lu to regnu ?

Mi pari ca va mali chistu munnu

e mi scantu ca iamu tutti 'nfunnu.

Ma di parlari ìu nun sugnu degnu.

Però lu cori miu soffri tantu

vidinnu tuttu chiddu ca succedi,

cù l'assassini a liberu pedi,

ca ni fannu campari cù lu scantu.

Gesù divinu, Bamminu 'nnuccenti,

Tu ca vinisti a salvari la genti,

percia lu cori di l'omini tinti,

apri la menti atutti li finti,

duna la vuluntà atutti quanti

pì putiri cù paci iri avanti.

Auturi: Carmelo Pitronaci

Salutamu! --Sarvaturi 23:13, 25 Sitt 2007 (UTC)