Criveddu d'Eratòstini

Dâ Wikipedia, la nciclupidìa lìbbira.
(Rinnirizzata di Criveddu di Eratòstini)
Jump to navigation Jump to search
L'animazzioni ammuscia comu ricavari li nùmmira primi cû criveddu di Eratòstini.

Lu criveddu d'Eratostini è n'alguritmu pi prudùciri tutti li nùmmura primi nzinu a nu certu nùmmuru fissatu. Porta lu nomu di Eratòstini, nu cèlibbri matimàticu grecu dû terzu sèculu a.C..

Esempiu di applicazzioni dû criveddu[cancia | cancia la surgenti]

Suppunemu di vuliri truvari tutti li nùmmura primi nzinu a 100.

  1. Mittemu tutti li nùmmura di 1 a 100 nti na tabbella quatrata.
  2. Cuminzannu dû nùmmuru 2 cancillamu tutti li mùltipli di 2 tranni lu 2 stissu. Pirciò cancillamu, 4, 6, 8 e via dicennu
  3. A parti lu 1, lu primu nùmmuru chi nun è cancillatu è lu 3. Allura si cancèllanu tutti li mùltipli di 3 tranni lu 3 stissu, pirciò si cancèllanu lu 9, lu 15, e via dicennu
  4. A parti lu 1, lu primu nùmmuru chi nun è cancillatu è lu 5. Allura si cancèllanu tutti li mùltipli di 5 tranni lu 5 stissu, pirciò si cancèllanu lu 25, lu 35, e via dicennu
  5. A parti lu 1, lu primu nùmmuru chi nun è cancillatu è lu 7. Allura si cancèllanu tutti li mùltipli di 7 tranni lu 7 stissu, pirciò si cancèllanu lu 49, e lu 77.
  6. Siccomu nun ci sunnu nùmmura nun cancillati cchiù nichi dâ radici quatrata di 100 (chi è 10), ntâ tabbella ristaru tutti li nùmmura primi cchiù nichi di 100.

Viriti macari[cancia | cancia la surgenti]