Carmelo Battaglia (sinnicalista)
Carmelu Battaglia fu nu sinnacalista e pulìticu sicilianu, nasciutu a Tusa n pruvincia di Missina, e canusciutu pi lu sò mpegnu a difènniri li diritti dî cuntadini ntô doppuguerra. Ntô 1945, fu tra li membri funnaturi dâ cupirativa Tusa, criata p'uttèniri la cuncissioni di tirreni nun cultivati. Ntô 1965, sta cupirativa, nzèmmula a chidda di Casteddu di Luciu, arriniscìu a accattari lu fèudu dî Foieri, ca s'allungava pi oltri 270 èttari, dâ barunissa Lìpari.
L'acquisizzioni dû fèudu purtau a forti sciarra cu l'ex vici sìnnacu dimucristianu di Sant'Àjta di Militeddu, Giuseppi Russu, e cû Biagiu Amata, ca finu a allura avìa gistutu lu fèudu. L'ùrtimi addumannaru lu trasfirimentu di na parti di l'ex feudu pô pasculu dê soi greggi, ginirannu tinsioni ca purtaru a l'assassiniu di Battaglia.
Lu 24 di marzu dû 1966, a l'arba, mentri ca jeva a lu fèudu dî Foieri, Carmelu Battaglia veni ammazzatu. Lu sò corpu vinni attruvatu 'n pusizzioni accucchiata, chî manu darreri e la facci appujata supra na petra grossa, nta nu evidenti missaggiu di ntimidazzioni mafiusa.
L'ammazzatina di Battaglia rapprisintau l'epilugu tràggicu di na longa seria di militanti assassinati dâ mafia, a pàrtiri di l'èbbica dû fasciscmu.