Capu di Bona Spiranza

Dâ Wikipedia, la nciclupidìa lìbbira.
(Rinnirizzata di Capu di bona spiranza)
Mappa dû 1888 dû Capu di Bona Spiranza

Lu Capu di Bona Spiranza è nu prumuntoriu dû Àfrica dû Sud ntê pressi di Citati dû Capu, tradizziunarmenti (en nun currittamenti) cunziddiratu comu lu puntu cchiù a sud dû cuntinenti africanu e comu puntu di siparazzioni tra l'Ocèanu Atlànticu e l'Ocèanu Innianu. (Ticnicamenti, la divisioni tra li dui Océani s’attrova cchiù a est, a Capu Agulhas, ca s’attrova videmma cchiù a sud.)

La fridda currenti di Benguela supra la costa ovest e la càuda currenti di Agulhas, si fùnninu davanti ô Capu di Bona Spiranza, lu quali, nzémmula ô vicinu Capu Point, nn’offri nu scinariu spittaculari.

Storia[cancia | cancia la surgenti]

Lu Capu di Bona Spiranza vinni attravirsatu pâ prima vota ntô 1488, dû navigaturi portughisi Bartulumiu Diaz, ca ci detti lu nomu di "Capu dî Timpesti" (Cabo das Tormentas). Vinni ‘n siquutu vattiatu di Giuvanni II dû Portugallu comu "Capu di Bona Spiranza" (Cabo da Boa Esperança) pi vìa di l'apirtura dî rutti versu urienti.

Lu mircanti ulannisi Jan van Riebeeck stabbilìu nu campu di rifurnimentu pâ Cumpagnìa Ulannisa di l’Innî Urientali, ntê pressi dû Capu, lu 6 d’aprili di 1652. Sta basi va a sviluppàrisi ‘n siquutu nta l'udierna Citati dû Capu.

Francobbullu trianculari dû Capu di Bona Spiranza

Lu 31 di dicèmmiru di 1687, nu gruppu d’ Ugunotti vìnniru mmiati ô Capu dî Paisi Vasci. Iddi s’èranu rifuggiati ntê Paisi Vasci dâ Francia, ô scopu di sfuiiri ê pirsicuzzioni riliggiusi. La Cumpagnìa Ulannisa di l’Innî Urientali avìa bisognu di cultivatura sperti ntô Capo di Bona Spiranza, e lu cuvernu ulannisi vitti di l’uppurtunitati ntô mmiàricci l’Ugunotti.

Lu Regnu Unitu, lu 19 di jinnaru di 1806, accupau lu Capu. Chistu vinni cidutu ê britànnici cu lu Trattatu Anglu-Ulannisi dû 1814 e vinni di ddu mumentu amministratu comu Culonia dû Capu.

Vuci currilati[cancia | cancia la surgenti]

Culligamenti sterni[cancia | cancia la surgenti]