Caiu Valeriu Catullu
Dâ Wikipedia, la nciclupidìa lìbbira.
Caiu Valeriu Catullu ('n latinu Caius Valerius Catullus) fu nu pueta latinu. Nascìu a Virona (sicunnu Svetoniu) nti l'annu 87 a.C. oppuru nti lu 84 a.C.. Murìu nti lu 54 a.C. a Roma, unni stesi la megghiu parti di la sò vita.
Catullu era alliatu a nu cìrculu di pueti ccu li stissi idei, ca Ciciruni chiama neòteroi ("pueti novi"), tèrmini ca iddu duna comu nu piggiurativu. Stu cìrculu di pueti arrumpìa ccu lu passatu littirariu rumanu (chiddu mitulòggicu), ppi jiri a circari àutri argumenti, comu l'amuri e li cosi cotidiani, cunzidirati di cchiù scarsu ntiressi di li clàssichi.
