Biancumanciari
Lu biancumanciari o manciari jancu è nu duci tipicu inseritu nnâ lista di produtti agrualimintari tradizziunali taliani (PAT) dû Ministeru dî Pulìtichi Agrìculi, Alimintari e Furistali (Mipaaf).[1] È na priparazzioni a basi di latti e zùccaru diffusa nta tutta l’Italia, suprattuttu ‘n Sicilia e ‘n Sardigna. 'N passatu era na culazioni populari e pòvira, manciata specialmenti da picurari.
Nomu
[cancia | cancia lu còdici]Lu bbiancumanciari, canusciutu 'n talianu comu biancomangiare, 'n francisi blanc-manger, 'n catalanu menjar blanc o 'n passatu blanche manageri, balmagier, bramagére, e 'n sardu papai-biancu, diriva lu sò nomu dû culuri jancu dî sò principali ingridienti: latti e/o mennuli macinati.
Storia
[cancia | cancia lu còdici]Già era diffusu nnâ tutta l’Europa nnâ cucina mediuevali. Ntê primi libbra di ricetti, lu bbiancumanciari era salatu e cuntinìa petti di jaddina o di capuni, mennuli, latti e lardu. La ricetta addivintò pupulari puru nta l’epoca rinascimentali, quannu lu bbiancumanciari era cunsumatu duranti li banchetti e priparatu usannu carni janca o pisci e, assai prubbabbirmenti, usannu quantitati abbunnanti di zùccaru.
La ricetta è ripurtata di Pellegrino Artusi ntô so abbanniatu libbru Scienza ntâ cucina e l'arti di manciari beni.[2]
Varianti
[cancia | cancia lu còdici]Ntâ l'Italia è tìpicu dâ Sicilia,'n particulari di l'antica contea di Muòrica e ntê cullini dî Platani, ma è assai diffusu macari ntâ vaddi d'Aosta. Di sòlitu la priparazzioni cumporta l'usu dû latti, mentri chiḍḍa mudicana è priparata cû latti di mennula. Ntâ varianti dê cullini di Platani c'è l'usu di l'amidu di furmentu e di scorcia di limuni oltri o cocciu di vanigghia, accussì d'aviri nu duci cchiù liggìeru datu la sustituzzioni dâ farina cu l'amidu di furmentu e cu retrogustu di limuni. La ricetta rausana cumprenni puru lu limuni, la cannedda e lu meli ibbleu. Oltri â virsioni duci ci sunnu macari certi virsioni salati.
Noti
[cancia | cancia lu còdici]- ↑ Tredicesima revisione dell'elenco dei prodotti agroalimentari tradizionali, su www.politicheagricole.it. URL consultato l'8 gennaio 2025.
- ↑ Scienza in cucina e l'arte di mangiar bene/Torte e dolci al cucchiaio/681. Bianco mangiare - Wikisource, su it.wikisource.org. URL consultato l'8 gennaio 2025.
