Bangaluri

Dâ Wikipedia, la nciclupidìa lìbbira.
Vidhana Soudha, seggi dû parramentu dû Karnataka

Bangaluri è la capitali e la citati cchiù granni dû statu innianu dû Karnataka.

È la terza citati d'Innia ‘n òrdini di grannizza e la quinta ària metrupulitana cu na pupulazzioni di circa 6.5 miliuna d’abbitanti ntô 2001. È situata supra l'autuchianu di Mysore, a 968 m. d'autizza. Fu annunciatu lu prugramma di canciari lu nomu dâ citati ‘n Bengaluru o Bengalooru ntô nuvèmmiru di 2006.

Câ ndipinnenza di l'Innia ntô 1947 Bangaluri divinni nu granni centru ndustriali cu ndustrìi quali l'Hindustan Aeronautics Limited e l'Indian Space Research Organisation. Nta l’ùrtimi dicenni lu successu di l’azzienni a àuta ticnoluggìa di Bangaluri vitti la crisciuta dû sitturi di l'Information Technology (IT) ‘n Innia. Li suli azzienni d’information technology di Bangaluri mpèganu lu 30% dû miliuni di dipintenti ca l'IT vanta nta l'Unioni Inniana.

La citati vanta noltri lu Training Center di l'aeriunàutica indiana, lu Madras Engineering Group (MEG) e lu Central Military Police ntrammi facenti parti di l'asèrcitu.

Bangaluri è lu centru scintìficu di ccillenza di l'Unioni Inniana e è la seggi dû Stitutu Innianu di Scenzi e noltri dû Stitutu Innianu d’Astrofìsica, dû Raman Research Institute, dû Jawaharlal Nehru Centre for Advanced Scientific Research, dû National Center for Biological Science e di l' Indian Statistical Institute.

Lu nomu Bangaluri è na forma anglicizzata dâ palora Kannada Bengaluru. La cchiù antica rifirenza ô nomu Bengaluru è na nscrizzioni Ganga dû IX sèculu.Template:Link FA