Baluḍḍu

St'artìculu fa parti dâ seria: Cucina

Priparativi e attrizzi

Maneri di cucinari - Lista di stigghi pi cucinari Pisi e misuri pi cucinari

Elimenti e tipi di manciari

Spezzî e Erva Suchi - Zuppi - Duci Furmaggiu - Pasta - Pani Autri tipi di manciari

Cucina ntirnazziunali

Africa - Asia - Caraibba Sud-est Asian - Amèrica Àrabba - Europa

Viditi puru:

Coca cèlibbri Muzzicuni Vuci currilati

Û baluḍḍu (plurali baluḍḍi, (baluḍḍe limitatamenti 'ntâ Vaḍḍi dû Mela)), è un prudottu alimintari assimilabbili ô pani uttinutu dâ cuttura d'un 'mpastu di farina di granuturcu (puru dittu mais, jimmanu o laurindia), acqua e cunnimenti. Û cunsumu è 'llimitatu 'ppî l'occasioni e avi carattiri 'ddivuzzionali, tradizziunali e pinitenziali.

Urigini

 tradizzioni voli chi û jiornu di Santa Lucia non si manciunu cibbi a basi di granu macinatu (pani e pasta), usanza ch'attruva funnamentu 'ntâ du' avvinimenti "miraculusi" avvinuti rispettivamenti a Palermu e Sarausa duranti i jorni dî fistiggiamenti da santa. Eccu quinni chi spopulunu 'ntê tavuli siciliani ciciri, favi, fasola, granu turcu, piseḍḍa, risu, arancini, cazzilli, panelli, semi e simenza, farini 'ddirivati e quant'autru, non ultimu 'nû stirminatu elencu di ricetti a basi di viddura e di frittura 'ppâ 'ggioia e 'ddilizzia dû palatu.

Mentri 'ntâ pruvincia di Palermu unu dî piatti tipici 'ppâ ricurrenza è â cuccìa, 'ntâ pruvincia di Missina e 'ntâ Vaḍḍi dû Mela in particulari, comu fumma di devozzioni e d'attaccamentu ê tradizzioni, si manciuno î baluḍḍi o baluḍḍe 'pp'accumpagnari i vari cumpanatici.

Si tratta di pagnotti nichi 'mpastati sulu 'ccû farina di mais. Oggi ci sunu tanti ricetti, alcuni prividunu l'usu dâ farina di 'ranu tipu 0 o di chidda di semula 'pp'aviri 'cchiù morbidu û 'mpastu. Û sapuri dî tradizziuni riprupuni 'tonna vota â vecchia ricetta di famigghia, a cui priparazzioni prividi l'utilizzu di suli quattru 'ngridienti e chi rispetta l'antica custumanza.

Tradizioni

Tra liggenna e fatti veri, û baluḍḍu è 'nâ pietanza simbulu, da manciari 'ccû 'ddivuzzioni, cunsumandula ô postu di pani e pasta 'ppî unurari û miraculu rifiritu ô 13 dicèmmiru 1763 quannu a Sarausa un bastimentu caricu di 'ranu salvò â citàdi dâ nâ caristia. Appressu arrivò 'nâ navi, appoi n'autru vasciḍḍuzzu, infini autri tri bastimenti carichi di granagghia, finu a dibillari â fami.

Stissu miraculu a Palermu û 13 dicèmmiru 1646 mutivava già l'attaccamentu ddivuzziunali, divissificandu però â ricetta. Autru caricu di 'ranu via mari salvò â capitali du Regnu dâ nâ caristia.

'Ntê dui casi, 'ppî troppa fami e 'ppî non peddiri autru tempu a macinari, si dicidiu di mettiri i 'rani a girminari e rimuḍḍari in acqua 'ppî poi cucinarli sani, dandu luogu â criazzioni dâ cuccìa e vinnirari sempri â stissa amatissima santa 'ntô juornu dâ sô festa.

---

Comu porti dî citàdi di mari, Palermu, Sarausa, e ancora Milazzu, Lipiri, Missina, e 'ntô cuntinenti Nàpuli, Livornu, Gènuva, sunu famusi priparazzioni divozzionali e pinitenziali poviri ma, apprizzatissimi, fatti a basi di granagghia, ligumi e farini dirivati, mutivati quasi sempri da avvinimenti mircantili lijati a navigazzioni e spissu, ô cultu da santa.

Ingridienti

Î rizzetti 'cchiù diffusi privìdinu parti î stissi di farina di granu turcu e acqua, lèvitu di birra e 'nâ presa di sali di cucina. 'Ppî un chilu di farina di mais ('ppî 16 / 20 baluḍḍi di midia 'rannizza), un litru d'acqua, 40 grammi di lèvitu e sali quantu basta.

Priparazzioni

La priparazzioni e û cummerciu dî baluḍḍi limitatamenti â jurnata dû 13 dicèmmiru, sunnu ê jorna nostri garantiti dâ i fùrnari di ogni singula citàdi. Tradizziunalmenti erunu priparati 'n casa 'ccû la cullabburazzioni di tutta la famigghia. Â priparazzioni dâ pasta di panitti si facìa 'ccû 'nu scanaturi, azziunatu 'ccû 'nâ certa forza di n'uòmu dâ famigghia. Oggi î masculi dî casa sunu rimpiazzati da commudi attrezzaturi di cucina chi consentunu un 'ranni risparmiu di tempu e di fatia.

Si sciogghi û lèvito di birra 'ntâ l'acqua cauda, 'juncenduci û pizzicu di sali 'ppî 'nsapuriri û cumpostu senza cummigghiari 'u sapuri dû mais. Si versa û liquidu 'ntâ farina misa â funtanedda facendulu 'ncurpurari picca a picca. Travagghiari 'bbonu û 'mpastu, 'fini fari un panettu, 'mpiattarlu e aspittari chi crisci finu ô raddoppiu dû vulumi. 'Mministrari î puzziuni 'n panetti. Lassari llèvitari ancora. A 'stu puntu fari î tagghi 'n supirfici tipici dâ llèvitazzioni e cucinari 'ntô furnu caudu a 230° 'ppî circa 30 minuti.