Aureliu e Natalia
Aureliu e Natalia (morti ntô 852) foru na coppia cristiana giustizziata di Abd ar-Rahman II, Emiru di Cordoba, picchì si rifiutaru di rinunciari â sò fidi. Sunnu cunzidirati màrtiri e santi dâ Chiesa Cattòlica e dâ Chiesa Ortudossa.
Vita
[cancia | cancia lu còdici]Aureliu nascìu di na famigghia binistanti di Siviglia Sò patri era n'àrabbu mussurmanu e sò matri cristiana spagnola. Orfanu di picciutteddu, fu crisciutu di na zia, ca prubbabbirmenti sicrettamenti era cristiana. All'èbbica, li cristiani vinìanu pirsicutati ntê regni mori dâ Spagna[1]. Aureliu si spusau cu Sabigotho, na picciotta di famigghia mussurmana. Doppu li nozzi, Sabigotho dicisi di cunvirtìrisi a lu cristianesimu e si pigghiò lu nomi di Natalia La coppia vivìa nna l'Emiratu di Cordoba, appi na fìgghia e vivìa sicritamenti comu cristiani. Nta 'ḍḍi tempi, cunvirtìrisi di l'Islam ô Cristianèsimu era nu crìmini punìbbili câ morti.[2].
Nu jornu, Aureliu vitti la flagillazzioni pùbbrica di nu mircanti cristianu ca avìa prufissatu pubbricamenti la sò fidi nna Cristu. Scunvolti di stu abbinimentu, Aureliu e Natalia dicideru ca non putìanu cchiù ammucciari la sò fidi. Riservaru li soḍḍi pâ sò figghia e distribuìru li risparmi ca ristaru ê pòviri. Poi accuminciaru a annunciari la so’ fidi e a curari i cristiani ‘mpriggiunati.
Unuri
[cancia | cancia lu còdici]La festa di Aureliu e Natalia cadi lu 27 di giugnettu. Sunnu tra li Martiri di Cordoba, 48 cristiani eseguiti nta chiḍḍa città tra lu 850 e lu 859 d.C.
Li Riliquii di Aureliu sunnu sarbati nti n'altari na Basilica Catidrali Metrupulitana di Santa María la Antigua a Panama[3].
Nuti
[cancia | cancia lu còdici]- ↑ Biografia, (ingrisi), Santu pi nu mumentu, accessu lu 18 giugnettu 2025.
- ↑ Lu Castigghiu di Aureliu e Natalia (lingua angrisi)
- ↑ A li Riliquii (spagnolu)