August Ferdinand Möbius
August Ferdinand Möbius (Bad Kösen, Girmania, 17 di nuvèmmiru 1790 - Lipsia 26 di sittèmmiru 1868) fu un matimaticu tedescu, canusciutu li lu Nastru di Möbius.
Nizziarmenti studiau liggi, ma prestu si didicau ntinsivamenti â matimàtica, â fìsica e astronumìa a l'Univirsitati di Lipsia, cu nu pirìudu di studiu a Göttingen cu Carl Friedrich Gauss. Doppu lu diploma (1814) e l'abbilitazzioni (1815), Möbius divintau n'ussirvaturi astrunòmicu e prufissuri assuciatu (astronumìa) a l'Univirsitati di Lipsia.
Li sò ricerchi purtaru ô sviluppu dû Barycentrischen Calcul (1827), nu mètudu analìticu-giumètricu ca ntruducìu pisi (cuefficienti) lijati ê punti funnamintali pi difiniri li pusizzioni dî punti ntô chianu. N'àutru dî sò cuntribbuti mpurtanti fu lu Lehrbuch der Statik (1837), unni trattau la statica giumètrica e li liggi di l'equilìbbriu pî corpi rìggidi cu cura e riguri matimàtici. Ntô 1843, pubbricau Die Elemente der Meccanic des Himmels, unni applicau li principi giumètrici ê prubbremi dinàmici dû motu dî pianeti, cumprisi l'effetti di pirturbazzioni. Möbius è forsi cchiù canusciutu oggi pi lu "striscia di Möbius" o "nastru di Môbius", na supirfici cu na sula facci e nu sulu bordu. Ntruducìu macari la funzioni μ(n) ntâ tiurìa dî nùmmura (la funzioni di Möbius), li trasfurmazzioni omugràfichi/dualitati ntâ giumitrìa, e li cuurdinati omuggènii. Pi tanti anni, fu prufissuri, diritturi dû Sternwarte (ussirbaturi) a Lipsia e membru di diversi accadèmii scientifichi, ntra cui chiḍḍi di Lipsia, Birlinu, Göttingen e Monacu; fu nu cofunnaturi di l'Accademia Sassoni dî Scienzi. Möbbiu murìu lu 26 sittèmmiru 1868 a Lipsia.