Alessiu Muscegh

Dâ Wikipedia, la nciclupidìa lìbbira.

Alessiu Muscegh (nasciutu versu lu 800) fu patrizziu di Sicilia a partiri dû 832. Crisciutu â curti di lu mpiraturi Tiofilu, avìa addivintatu nu membru strittu dâ famigghia di lu mpiraturi quannu chistu ci desi la figghia Maria comu zita, ancora picciridda. Lu fici patrizziu, prucunsuli, e forsi lu distinava â succissioni ô tronu. Lu mpiraturi addicisi di mannàrilu n Sicilia comu patrizziu, pi cuvirnari la parti dâ Sicilia chi ristava ancora n manu bizzantina, doppu la cunquista dû val di Mazzara e dâ cità di Palermu da parti dî mussurmani.

Ntô 833 fu vittima di na cungiura. Lu mpiraturi cridìu ca Alessiu tramava contra di iddu, e lu fici mettiri n carciri, cunfiscannucci tutti li beni. Quarchi tempu doppu, forsi n sequitu â dura cunnizzioni di carciri, lu mpiraturi lu libbirau, dannucci tutti li beni arreri, ma Alessiu usau sti beni pi farisi monacu e custruiri nu munasteriu.

Bibbliografìa[cancia | cancia la surgenti]

  • M. Amari, Storia dei musulmani di Sicilia, Firenzi, 1854.