Acqua (sustanza)

Dâ Wikipedia, la nciclupidìa lìbbira.
(Rinnirizzata di Acqua (mulècula))
L'acqua

L'acqua è lu lìquidu cchiù cumuni supra la terra. Nurmalmenti havi nuddu aduri, nè sapuri, nè culuri.

L'acqua è na mulècula chi cumprenni dui àtumi d'idrògginu e unu d'ossìgginu. La sò equazzioni è H2O.

L'acqua, tra li risorsi dû planeta, è la cchiù mpurtanti: senza d'idda nenti putìa asìstiri e nenti putìa evurvìrisi; nun ci fùssiru armali, nun ci fùssiru chianti e nun ci fussi la vita.

Li chianti, armali, e cristiani hannu a vìviri l'acqua pi campari, picchì li nostri còrpura nn'hannu bisognu pi stari câ saluti. P'asempiu, l'acqua è n'elimentu mpurtanti dû suduri, dû sangu, dâ sputtazza, e di l'urina. Lu sudduri aiuta lu corpu mantèniri la sò timpiratura. Lu sangu porta tutti li nutrientistòmacu pi tutti li parti dû corpu. La sputtazza n'aiuta pistiari e diggiriri lu manciari. L'urina n'aiuta jittari via li chìmici dû corpu.

L'acqua chi na pirsuna o n'armali si pò vìviri si discrìvi comu èssiri «putàbbili». L'acqua ca s'attrova nta l'oceani è acqua salata (e dunca nun è puttàbbili), ma li lachi e ciùmura nurmalmenti cumprènninu acqua frisca.

L'acqua è puru mpurtanti pî cèluli picchì tipi d'elimenti si rinèscinu a squagghiaricci. Pi chissu, cci duna nu mediuriazzioni chìmichi, e rinesci a purtari l'elimenti ntô sangu pi tuttu lu corpu. L'acqua aiuta a ridùciri e eliminari li risìdui dû corpu e aiuta la furmazzioni di l'urina.

Distribbuzzioni di l'acqua ntâ terra[cancia | cancia la surgenti]

Quasi tutta l'acqua ca c'è nta la terra s'attrova nta l'ucèani, nu cumpressu sistema eculòggicu unni ogni parti ntirfirisci cu l'àutra e ogni elimentu pigghia urìggini di chiddu ca ci sta vicinu; ddocu è prisenti cchiù dû 97% di l'acqua c'avemu ntô planeta. Lu 2% di acqua l'avemu ntê ghiacciai e ntê ghiacci pulari, lu 0,592% è acqua suttirrania e lu 0,014% è acqua prisenti nta li laghi, ntê ciumi, ecc.. C'è ancora acqua nta l'atmusfera, sutta forma di vapuri àcquiu e na picca macari ntâ biusfera.

Modi di diri[cancia | cancia la surgenti]

Ogni acqua leva siti

Viditi puru:[cancia | cancia la surgenti]