Accipitriformes
| Accipitriformes | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| Classificazzioni scintìfica | |||||||||||||||
| |||||||||||||||
|
|
Accipitriformes (VIEILLOT 1816) sunnu n'òrdini d'aceḍḍi rapini diurni.
Anatumìa
[cancia | cancia lu còdici]Di sòlitu sunnu armali bastanti granni, ca ùsanu u pizzu ncurbatu e forti pi strazzari a carni dî predi. I granfi, abbestra dî vuturi, sunnu ncruccati e puntuti pi tèniri ferma a preda. Pizzu e granfi ànnu macari u còmpitu d'ammazzari l'armali pridatu prima mi sû màncianu.
A vista di Accipitriformes è assai sbiluppata.
Ripruduzzioni
[cancia | cancia lu còdici]A majurìa di Accipitriformes sunnu munògami. Quannu custruìscinu u nidu, spissu u ùsanu tutti l'anni pi cuvari e crìsciri i puḍḍicini. I nidi vennu parati nta l'àrbuli o ntê timpi.
Dieta
[cancia | cancia lu còdici]Tutti Accipitriformes sunnu carnìvuri e màncianu mammìfiri, autri aceḍḍi, rèttili, pisci, nzetti e ntô casu dî vuturi, carogni.
Tassunumìa
[cancia | cancia lu còdici]Accipitriformes àvi quattru famigghia arricanusciuti
- Accipitridae, unni cci su' cchiù speci, comu àculi, vuturi, nigghi etc.;
- Pandionidae, cu na sula speci (Pandion haliaetus) o forsi dui; spicializzati ntâ cattura dî pisci;
- Sagittariidae, cu na sula speci (Sagittarius serpentarius) ca si nùtrica di rèttili, suprattuttu scursuna, ca trova caminannu 'n terra;
- Cathartidae, i vuturi dû Novu Munnu.
St'ùrtima famigghia àvi statu classificata diversi voti e ancora, certi autura e scinziati , pènzanu ca s'avìssiru a mèttiri nta n'òrdini so, dittu Cathartiformes. Ànnu statu misu, ntô passatu, puru nta l'òrdine Ciconiiformes.
Nzinu ô 2008, Falconiformes e Accipitriformes èranu misi ntô stissu òrdini, ma appoi, anàlisi ginètichi, fìciru addunari i scinziati ca i primi èranu cchiù mparintati cu Psittaciformes e Passeriformes ca cu Accipitriformes.
| Accipitriformes |
| |||||||||||||||||||||
Habitat
[cancia | cancia lu còdici]Accipitriformes si tròvanu a tutti banni, tutti i cuntinenti (livannu l'Antàrtidi) e tutti l'habitat: dî muntagni ô disertu, dî chianizzi ê riggiuni friddi.