Òrbita

Dâ Wikipedia, la nciclupidìa lìbbira.
Quannu li corpi hannu massa cumparàbbili, furrianu tornu tornu ô baricentru cumuni.

L' òrbita di nu corpu cilesti è la traiettoria cchiù o menu regulari chi lu corpu cilesti pircurri rispettu a n'autru corpu di massa supiriuri grazzî â gravitazzioni esircitata, prima di vèniri â stissa pusizzioni. Ntô casu di nu corpu di massa trascurabbili rispettu a n'autru corpu, e senza àutri corpi cilesti di massa paragunabbili ô corpu cchiù massicciu, l'òrbita è difinuta dê liggi di Kepleru, chi veni a diri chi l'òrbita è ellittica, lu corpu principali occùpa unu dî `dui foca di l'ellissi, e chi lu corpu orbitanti è cchiù viloci quannu s'abbicina ô corpu principali.