Yvan Colonna

Dâ Wikipedia, la nciclupidìa lìbbira.

Yvan Colonna è nu nnipinnintista corsu militanti, cunnannatu pirchì putissi èssiri auturi di l'omicidiu dû Prifettu francisi Claude Érignac lu 6 di frivaru1998 a Ajacciu.

Biografìa[cancia | cancia la surgenti]

Natu lu 7 d'aprili1960 a Ajacciu, si stabbilisci cu la famigghia, ntô 1975, a Nizza unni Jean-Hugues Colonna (lu sò patri), a l’èbbuca prufissuri d'educazzioni fìsica, avìa statu trasfirutu. Doppu aviri cunzicutu lu diproma di maturitati (Baccalauréat D), Yvan Colonna accumenza a studiari pi svòrgiri la prufissioni paterna, ma abbannuna li studi e torna n Còrsica ntô 1981.

Si stabbilisci a Cargèse, unni addeva crapi. Mìlita n muvimenti nazziunalisti corsi vicini a lu FLNC. È suspittatu d'aviri participatu nta ddu pirìudu a nummarusi attintati, ma lu sò cuinvurgimentu nun fu mai addimustratu. Ntô 1990, a l’èbbuca di lu nquatramentu dî militanti dû FLNC n Canal Historique, Canal Habituel e Resistenza, pari fari un passu n arreri rispettu a lu muvimentu nazziunalista.

Gindarmarìa di Pietrusella[cancia | cancia la surgenti]

Yvan Colonna devi arrispùnniri d'assuciazzioni a dilìnquiri cu fini tirrurìstici pi l’attaccu â gindarmarìa di Pietrusella (Corse-du-Sud) ntô 1997, ntô cursu dâ quali fu arrubbata l’arma utilizzata n sècutu p'ammazzari lu prifettu francisi Claude Erignac.