Villarba (CL)

Dâ Wikipedia, la nciclupidìa lìbbira.
Villarba
Villalba-Stemma.png
Muttu: Benidittu DIa ca fici l'acqua e la Brivatura pi la scecca
Nomu ufficiali: Villalba
Pruvincia: Caltanissetta (CL)
Superfici: 41 km²
Abbitanti: 1.915
Dinzitati: 47 ab./km²
Cumuni cunfinanti: Cammarata (AG), Castiddana (PA), Manchi, Mussumeli, Petralia Sottana (PA), Pulizzi (PA), Baddrilonga
CAP: 93010
Prifissu telefònicu: +0934
Situ ufficiali: {{{situufficiali}}}

Villarba (o Villabba nta arcuni parrati siciliani) è un cumuni di 1.915 abbitanti dâ pruvincia di Caltanissetta.


Storia[cancia | cancia la surgenti]

Villarba isti un paisèddu mpruincia di Caltanissitta (l'àrabba Kalatanissah), 'ca situatu a lu cunfini di chidda Palirmitana ê vicinu mmidè a lu cunfini Giurgintanu. Lu paisi all'inizziu unn'èra àntru ca n fèudu d'urìggini àrabba di nùamu Mikiken (dialittalmènti Muccichiè o Miccichè). S'attruva n pindìu ê n facci a li Madunij ca s'innàuzanu di Pulizzi Ginirusa. A ddu tìampu s'agghicava a lu fèudu o di la trazzèra di Karsanube (Castrunòvu) ê Rakalsaca (Pètri caduti) ca pòrta vérsu l'alvèu di lu hjiumi Platani, nzina a Racalmincer (Regalmici), d'unni ppì la trazzèra di Yale (Alia) ppì Kassaru o Barunìa di Funtana Murata, nzina a lu fèudu di Rakalial, òj Rigaliali. Li nùavi strati sunu custruiti nta li basi di chiddi di l'antica Mikiken di lu 1175: di Villarba, pî fèudi di Turrumè, Tudia, Kibbò, Xirbi si ghiunciva ê puru òj si ghiunci a Kalatanissah, òj Caltanissitta. Li primi nzidiamènti abbitativi, o nn'àntri tèrmini, li primi casi, vèngunu custruiti di Giuanni Mili Bèrtulu nta ll'annu 1763, ntònzi havi urìggini assai nùavi.

Amministrazioni cumunali[cancia | cancia la surgenti]

Camòra c'isti Eugenio Zoda cùamu Sinnacu.

Prudotti carattirìstichi[cancia | cancia la surgenti]

N tirritòriu di Villarba si prudùciunu li lintìcchia ca nni portanu lu nomu dâ cità stissa (Lintìcchia di Villarba) e ca foru ricanusciuti di la Riggiuni Siciliana.

Parlata[cancia | cancia la surgenti]

Lu paisi si furmà n sèguitu alla vinuta di divèrsi famigli di banni di li tri Pruinci di Caltanissitta, Palèrmu e Girgènti ca vìnniru pì travagliari lu turrènu. Già la parlata ntònzi nasci cùamu mista, na suttaspèci d'arriminata ntra li divèrsi parlati di la zòna, sèmpri ristannu pirò rilativamènti cchiù simili a lu Talianu. Havi ancòra assai nfuènzi di divèrsi parlati n sèguitu a lu finòminu ca purtà li Villalbisi duranti stu sèculu a imigrari, nun sulu ntra li divèrsi parti di l'Isula, ma cchiuttòstu jinnu a circari sùarti fòra di lu Statu: si pòpula di nùavu duranti la Stati ê li fésti paisani, d'unni si pùanu sèntiri annacati cchiù pripunniranti a nu dialèttu cchiuttòstu ca a nn'àntru.

Carattiristichi principali: 1) òmu, pèdi, còmu, apprèssu addivintanu ùamu, pìadi, cùamu, apprìassu 2) Sicilianu standard, prima coniug.: ìu amai, tu amasti, iddu amau, nuatri amammu, vuatri amastivu, iddi amaru Sicilianu muccichiddisi: ìa amavu, tu amastitu, iddru amà, nuautri amammu, vuautri amastivu, iddri amaru 3) Sicilianu standard, sicunna coniug.: murìu, muristi, murìu, murimmu, muristivu, muriru Sicilianu muccichiddisi: murivu, muristitu, murì, murimmu, muristivu, muriru 4) Sicilianu standard, coniug. impf.: amavu, amavi, amava-murivu, murivi, muriva Sicilianu muccichiddisi: amava, amavatu, amava 5) Ogghiu, famigghia addivintanu ùagliu, famiglia 6) Nta la parlata muccichiddisa, la littra R nta li paròli cùamu Palèrmu, arma e furma arrèsta paru 7) La littra R vìani casi sèmpri radduppiata, puru all'accuminciu di paròla, cùamu nta li tìpichi parlati Siciliani 8) La prununcia classica Sicilia di lu sònu "tr" vìani altirnata a la prununcia Taliana stissa

Pirsunalità[cancia | cancia la surgenti]

Situ Ufficiali[cancia | cancia la surgenti]

http://xoomer.alice.it/matlumia/

Siti Uebbi[cancia | cancia la surgenti]

http://www.takkapu.com/villalba.aspx/villalba.html

http://www.caltanissetta-sicilia.it/villalba.htm

http://casarrubea.wordpress.com/2008/09/23/villalba-secondo-don-calo/

http://www.meteowebcam.it/0/meteo-Villalba.html

http://maik07.wordpress.com/tag/villalba/

http://www.comune.villalba.cl.it/index.html