Villabbati (PA)
| Villabbati | |
 |
|
| Muttu: Viva San Giuseppi; | |
| Nomu ufficiali: | Villabate |
|---|---|
| Pruvincia: | Palermu (PA) |
| Superfici: | 3,83 km² |
| Abbitanti: | 18.372 |
| Dinzitati: | 6.124 ab./km² |
| Cumuni cunfinanti: | Ficarazzi, Musulumeli, Palermu |
| CAP: | 90039 |
| Prifissu telefònicu: | +091 |
| Situ ufficiali: | www.comune.villabate.pa.it |
Villabbati è nu paisi ca s'attrova a 1 chilòmitru di Palermu, ntâ vaddi dû ciumi Milicia.
Lu paisi lu fici nàsciri l'abbati Antoniu Agnedduu, ammeri lu 1700.
Ntô sèculu XIX fu cunzidiratu di li palirmitani comu nu locu di villiggiatura; nfatti lu paisi s'attrova nta la Conca d'oru n menzu ê mannarina ca ancora ora ci sunnu, ma li chiossai d'iddi furu scippati pi ngranniri lu paisi.
Villabati ora è nu paisuni granni e si ponnu attruvari macari mprisi nichi nti l'aria nnustriali, putìi e supirmircati ntô paisi, ca rapprisèntanu l'attivitati ecunòmichi dû locu.
Lu santu patruni di Villabati è San Giuseppi e pâ sò festa (marzu) ntô paisi passa la prucissioni dû Vastuni ri San Giusieppi, si fa lu pani e si và a la chiesa a binidicìrilu, e appoi si priparanu tavulati cu ministruni pi dàrilu ê puvireddi.
Lu paisi havi macari mpianti spurtivi unni joca la squatra di palluni "Splendore Villabati". N'àutru mpiantu è la piscina Hidra, una di li cchiù granni dâ pruvincia.
Ìndici |
Turismu [cancia]
Di notevoli interessi turisticu sunnu la chiesa ottocentesca ri Sant'Agata, 'nna torri di epuca spagnola, e li resti di la città finicia a Cozzo di la Cannita, e havi macari dui chiesi, in stili moderno, ca sunnu San Giuseppi e Sacro Cuore ri Gesù.
Carittiristici sunnu lu "parchetto di la musica", Palazzu Migliaccio, Villa Vitali, i cunicoli scavati sutta à superficie di la Piazza ra Regione (à piazza principali), loghi di riparu duranti i bummi ra guerra e la piazza Guglielmo Marconi cu 'nna chiesa moderna (S. Agatone Papa) e cu li resti di un monumentali cancello pi trasiri.
Da notari è macari l'attuali costruzioni chi ospita la caserma di la polizia municipali e l'area 'ntunnu, un tempu stazioni firroviaria.
Comu raggiungila [cancia]
Lu cumuni di Villabbati è situatu in un'importanti zona strateggica: su iddra si ramificanu tutte li vii di comunicazioni tra Palermo e l'avutri paisi ( Misilmeri, Ficarazzi, Belmonte Mezzagno). Havi un raccordo autostradali ( uno ri 'cchiù granni di la Sicilia )chi collega ù scorrimentu veloci Girgentu-Palermo e l'Autostrata A19 che poco dopu addiventa Viale Regioni Siciliana (direzioni Palermo). Villabbati è quinni macari facilmente raggiungibbili, un sulo pi li numerosissimi strate e statali che la attraversanu, ma anchi pi la linea di l' Amat di Palermo ca fa servizziu 'nnu paisi: la 224 (megghiu canusciuta comu "à 24" ri pirsoni 'cchiù anziani) chi collega direttamenti la stazioni centrali di Palermo a lu centru dû paisi. Cu passari dû tempu, quinni, à cittadina ebbi n' incrementu ra produzioni e insemmula di la qualità ra vita, essennu appunto un paisi ri passaggio un po' pi tutti.
Giamiddaggi [cancia]
Villabati è giamiddata cu Żabbar, nu paisi di l'ìsula di Malta dû 1997.
