Verità supposte

Verità supposte
Artista:	CapaRezza
Tipu album:	Studiu
Data dâ nisciuta:	13 giugnu 2003
Durata:	52:54
Númmuru di Dischi:	1
Númmuru di tracci:	14
Gèniri:	Alternative rap Rap rock
Casa discugràfica:	Extra Labels
Prudutturi:	Carlo Ubaldo Rossi
Riggistrazzioni:	Transeuropa Recording Studio
Noti:	Dischi di platinu: 1; dischi d'oru: 2; vincìu lu Premiu Lunezia, Premiu Carosone, Premiu L'Altra Molfetta
Album pricidenti:
Album succissivu:	Caparezza?! Habemus Capa

Verità supposte ("Viritati suppunuti") è lu secunnu àlbum dû cantanti CapaRezza, ca niscìu ntô 2003. St'àlbum purtau lu rapper a lu successu, macari grazzi â canzuna Fuori dal tunnel (del divertimento).

Tracci

1. Il secondo secondo me 4:14
2. Nessuna razza 4:09
3. La legge dell'ortica 3:50
4. Stango e sbronzo 3:45
5. Limiti 4:37
6. Vengo dalla Luna 4:13
7. Dagli all'untore 3:55
8. Fuori dal tunnel 3:41
9. Giuda me 3:28
10. Nel paese dei balordi 3:51
11. L'età dei figuranti 3:49
12. Follie preferenziali 4:10
13. Dualismi 3:47
14. Jodellavitanonhocapitouncazzo 4:05

Traccia bonus

1. La sindrome di Lorena 3:45

Canzuni

Il secondo secondo me

(Traduciutu: Lu sicunnu sicunnu mia) Va contra na serî di loca cumuni e li preggiudizzi contra àutri pirsuni. Lu stissu ritornellu ("Il secondo album è sempre più difficile nella carriera d'un artista" — "Lu sicunnu album sempri cchiù diffìcili è nta na carriera di n'artista") punta a babbìari sti cridenzi.

Nessuna razza

(Tr: Nudda razza) Parra contra li tìcchiti ca cci dèsiru nta lu scrìviri li canzuni

La legge dell'ortica

(Tr: La leggi di l'ardìcula) Ê canzuni banali dî so' culleghi, prifirisci canzuni "camurriusi" comu l'ardìcula.

Stango e sbronzo

La palora "stanco" ("stancu") addiventa "stango", dû verbu "stangare" ("affirari a lignati"), ma macari rifiruta ô tango ca si senti nta stu pezzu; "sbronzo" ("mbriacu"), picchì s'avi a scurdari na serî di contraddizzioni suciali e famigghiari, taliannu tuttu comu si sarìa mbriacu e avennu lu curaggiu di denunciari chiddu ca cci faci schifu.

Limiti

Alenca l'oggetti, li marchi, l'usi e li costumi dî primi 1970ini, quann'era picciriddu. Limiti è rifirutu a Paulu Limiti ca fici dâ nustargìa lu so' marchiu.

Vengo dalla Luna

(Tr: Vegnu dâ Luna) Chiddu ca dicirìa n'alienu ca talìa lu munnu tintu e pi chistu s'allasca.

Dagli all'untore

(Tr: Dacci ô chiajaturi) "Untore" voli dìciri "chiddu ca spanni la pesti, la chiaja" e vinìanu ncurpati senza mutivu picchì nun c'èranu provi. Ccà CapaRezza faci finta di jèssiri unu di chisti.

Fuori dal tunnel

(Tr: Fora dû tunnel) Contra li sciali ca ponnu purtari ô mali e ca stranìunu, prifirennu lu lissiamentu e trascùrriri lu tempu chî cosi cchiù sèmprici. Malantinnuta picchì nun si capìu lu veru significatu, pinzannu ca era sulu na canzuna di discuteca.

Giuda me

(Tr:Giuda ju) Sarìa "giù da me" ("jusu unni mia"), cunta li disaci dû Sud Italia.

Nel paese dei balordi

(Tr: Ntô paìsi dî scunchiuduti) Babbìa la storia di Pinocchiu, mittennu tuttu nta nu malu cuntestu suciali e mudernu.

L'età dei figuranti

(Tr: L'etati dî figuranti) Contra la televisioni tinta d'oi.

Follie preferenziali

(Tr: Pazzî di prifirenza) Contra la guerra.

Dualismi

CapaRezza cummatti contra nu fantàsima d'iddu stissu, e, scantatu, tacchìa unni lu dutturi, ca poi nesci ô largu ca è n'àutra vota iddu stissu.

Jodellavitanonhocapitouncazzo

Supra na basi di "jodel" tirulisi, CapaRezza cunta comu addivintau n'artista nzinu a mmagginari la so' morti, ca è lu tema cintrali di l'album d'appressu: Habemus Capa.