Val di Notu

Dâ Wikipedia, la nciclupidìa lìbbira.
Antica carta dâ Sicilia câ spartizzioni tirrituriali n tri valli.

La Val di Notu è una dî tri spartizzioni amministrativi dâ Sicilia chi risali all'èbbica àrabba. L'uriggini dâ spartizzioni è lu fattu chi la val di Notu fu l'urtima parti dâ Sicilia a essiri cunquistata di l'àrabbi, chi 50 anni doppu essiri trasuti a Mazzara, arrinisceru a assidiari cu successu la cità di Sarausa ntô 878.

La dinuminazzioni Val di Notu pigghia lu nomu di la cità di Notu e si rifirisci a tuttu lu terzu di Sicilia chi va di Gela a Portupalu e chi acchiana nzinu a Sarausa e Catania, e chi trasi nzinu a tutta l'attuali chiana di Catania, nzinu a Cartaggiruni e Butera.

Cû tempu la dinominazzioni ristau. Oggi cû termini Val di Notu si ntenni ancora la zona sud est dâ Sicilia, senza valenza amministrativa, ma cu na valenza culturali assai spiccata, n particulari grazzî all'omoggeneità di l'architittura barocca chi valsi l'iscrizzioni di ottu dî sò cità ntâ lista dû patrimoniu munniali di l'UNESCU

Talia puru[cancia | cancia la surgenti]