Unnaddarè
Unnaddarè è nu gruppu musicali sicilianu di stilu "electro world sound from Sicily".
Lu nomu[cancia | cancia la surgenti]
"Unnaddarè" 'n sicilianu miridiunali signìfica "unni è gghiè".
Biografìa[cancia | cancia la surgenti]
Li Unnaddarè sunnu nu gruppu furmatu di musicisti di diversa pruvinenza e estrazzioni, attraversu nu viaggiu lìricu, sunoru e rìtimicu, càntanu e sònanu lu Mari Miditirràniu e 'n particulari modu la Sicilia, ìsula cu tradizzioni e contraddizzioni assai forti.
La mùsica e lu cantu[cancia | cancia la surgenti]
Ammìscanu rìtmichi trance, testi 'n sicilianu minimali e visiunari, strumenta multiètnici e vuci arcàichi. Li testi 'n sicilianu e l'approcciu mudernu ô pop e a l'alittrònica prufumati di world music sunnu carattirìstici di stu gruppu.
Lu discu Kalsa[cancia | cancia la surgenti]
Kalsa è lu travagghiu di dibbuttu dû gruppu Unnaddarè, un discu appassiunatu e di cunfini tra lu munnu acùsticu e chiddu alittrònicu, unni la mudirnitati di li sònura e di li ritmi diggitali si funni pirfettamenti â tradizzione e â prufunnitati dâ cultura musicali siciliana e miditirrania 'n ginirali. "Kalsa" ('n àrabbu "al halisah" signìfica l'eliggiuta, la pura) è lu nomu d'un quarteri pupulari di Palermu nasciutu duranti la duminazzioni islàmica.
Cumpunenti dû gruppu[cancia | cancia la surgenti]
- Maurizio Catania (vuci, pircussioni, marranzanu, sinth, drum programming)
- Gabriele Caporuscio (oud, sitar, saz)
- Gianluca Ferrante (bassu)
- Valentina D'Accardi (vuci, chitarra)
- Francesco Pradella (tammuri, pircussioni)
- Gerardo Greco dittu "Ras Noiz" (compiuteru, sinth, dub master)
Discugrafìa[cancia | cancia la surgenti]
- "Kalsa" (2007)
"Aqua Virgo (2008)