Umbertu Scapagnini

Dâ Wikipedia, la nciclupidìa lìbbira.
Umberto Scapagnini and Carlo Azeglio Ciampi 2004.jpg

Umbertu Scapagnini (oppuru, 'n lingua taliana Umberto Scapagnini) (Nàpuli, 16 di uttùviru 1941) è n'omu pulìticu talianu.

Lauriatu 'n midicina ntô 1965, si spicializzau 'n farmaculuggìa ntô 1970 e n neuruenducrinuluggìa ntô 1972 pi appoi nzignari â Universitati di Sassari nzinu ô 1975, annu unni addivinìu prufissuri urdinariu a Catania. Ntâ cità siciliana s'affacciau â pulìtica addivinennu cunzigghieri cumunali cu lu Partitu Sucialista Talianu ntô 1985.

Fu vici-sìnnucu e assissuri a l'urbànistica ntra lu 1986 e lu 1987, trasìu succissivamenti nti Forza Italia e ntô 1994 vinni eliggiutu diputatu eurupeu. Cunfirmatu ntô stissu ufficiu ntô 1999, ntô 2000 si cannidau a sìnnucu di Catania e vincìu cu lu 56,7% dê prifirenzi. Pigghiau nu secunnu mannatu ntô 2005, unni abbattìu lu cannidatu dâ centru-manca Enzu Biancu cu lu 52,2% dê prifirenzi.

Di certiduni anni Umbertu Scapagnini è lu dutturi pirsunali di Silviu Berlusconi, di chistu hà affirmatu, babbiannu, ca <<havi nu sistema di tipu neuruimmunitariu veramenti straurdinariu pi cui nenti metti 'n pirìculu la sò saluti>> [1] e ca iddu è <<praticamenti mmurtali>> (ASCA).

Lu 29 di sittèmmiru2006 vinni caputu ca Scapagnini, accussì comu macari l'arcivìscuvu di Catania Sarvaturi Gristina, è ndagatu pi umicidiu curpusu nti la nchiesta supra la morti di un carusu di 22 anni, Rubbertu Calì, ca morsi nnô mentri dâ festa di Sant'Aita ntô frivaru dû 2004.