Unioni Sportiva Citati di Palermu

Unione Sportiva Città di Palermo
Nomu ufficiali	Unione Sportiva Città di Palermo SpA
Nciùria	Rusaniuru, Àculi
Funnatu	1898 (Palermu FBC) arrifunnatu 1987 (US Citati di Palermu)
Campu	Stadiu Renzo Barbera, Palermu, Italia
Posti	36,871
Prisidenti	Maurizio Zamparini
Manager	Giuseppe Sannino
Lia	Seria A
2005-06 / 2006-07 / 2009-10	Seria A, 5u
tìtulu 　 tìtulu

L'Unioni Spurtiva Citati di Palermu (Unione Sportiva Città di Palermo 'n talianu), o cchiù simpricimenti US Paliemmu.

Vinìu arrifunnata ntô 1987, doppu lu fallimientu dâ pricidenti sucitati, ca fu criata ntô 1898.

Storia

Di l'urìggini a la prumozzioni n seria A

La prima squatra di palluni ca rapprisintò la citati siciliana di Palermu, nascìu ntô 1898 pi gana di Majo Pagano, nu picciottu burgisi c'avìa canusciutu lu sport dû palluni n Inghirterra. Sulu ntô 1907 scigghìu li cèlibbri culura suciali rosa e nìuru.

Ntô 1920 la squatra cû nomu di Palermo Football Club cunquistò lu primu titulu ntô campiunatu sicilianu fidirali unni si cuntistò videmma li squatri di Catania e Missina. L'annu doppu arriniscìu a tràsiri nnâ lija sud dâ fidirazzioni caucistica ma ccà 'un vincìu nuddu tìtulu. Lu Palermu agghicò ntô 1926 ntû primu campiunatu di divisioni nazziunali, ma si cci arritirò pû fattu di prubbremi finanzari.

Ntô 1930 trasìu n Seria B e ntô 1932 acchianò ntâ Seria A pâ prima vota. Ntû stissu annu vinìu nauguratu lu stadiu di La Favurita.

La squatra ricunquistò l'avanzamentu nti la Seria A ntô campiunatu dû 2003-04 dâ Seria B, doppu 31 anni. Nu granni jucaturi di stu campiunatu era l'attaccanti, Luca Toni ca signò 30 gol.

Staciuni 2004-2005

La sucitati vinìu diriggiuta di Maurizio Zamparini, ca arriniscìu a miscari jucatura di fama e juvani prumittenti ca già facìanu parti dâ nazziunali di cauciu taliana. Pi ssu mutivu lu Palermu è ntra li dui-tri squatri taliani ca cuncèdinu cchiù jucatura â nazziunali. La squatra si classificò 6^ e si qualificò pâ prima vota dâ sò storia n Coppa Uefa.

Staciuni 2005-06

Ntâ staciuni succissiva Luiggi Del Neri pigghiò lu postu di Guidolin. Lu mircatu estìu è carattirizzatu dâ dulurusa partenza dû cintravanti Luca Toni, vinnutu a la Fiorentina pi 10 miliuna di euri, nunstanti la pricidenti dichiarazzioni dû prisidenti Zamparini "Toni a meno di 15 milioni di euro non lo vendo". Câ magghia viola Toni signò nu tutali di 31 riti, vincennu lu trufeu "Scarpa d'Oro", e agghicannu ô Munniali di Girmania 2006 câ magghia di titulari ntê spaddi.
Duranti lu campiunatu Zamparini canciò allinaturi pigghiannu a Giuseppe Papadopulo, tècnicu tuscanu ex allinaturi dâ Lazziu, e lu Palermu accabbò la staciuni cu n'uttavu postu finali. Doppu dâ sintenza finali dâ giustizzia spurtiva, st'uttavu postu addiventò nu quintu postu. Pi quantu sparti li Coppi, ntâ staciuni 2005-2006 lu Palermu agghicò a la simifinali dâ Coppa Italia, unni la Roma l'aliminò, e a l'uttavi di finali dâ Coppa Uefa, aliminatu pi manu dû Schalke 04.

Partiggianarìa

Li partiggiani dû Palermu sunnu giamiddati chî tifosi dû Lecci. D'arcuni anni a sta banna, cc'è na rivalitati ntra li tifusi dû Paliemmu e chiddi dâ Fiorentina: cuntrasti nati n prima battuta picchì li dui sucitati pi nu piriudu hannu pirsicutu li stissi stratiggìi di mircatu (p'asempiu: lu trasfirimentu ri l'attaccanti Luca Toni râ sucità siciliana a chidda tuscana) e doppu l'acchianata di la Fiorentina n seria B "per meriti sportivi" tantu ustiggiata di la dirigenza palirmitana.

Ma la lotta cchiù annanfanti e storica è chidda ntra li rusanìuru e lu Catania. Nnâ terza partita dâ staciuni di 2006-07, lu Palermu battìu lu Catania 5-3, doppu 42 anni ca mancava ssu derby di la seria A.

Granni jucatura dû passatu

• Cestmir Vycpalek (1947-1952)
• Lennart Skoglund (1962-1963)
• Gaetano Troja (1964-1966)(1968-1973)
• Franco Causio (1969-1970)
• Luca Toni (2003-2005)
• Eugenio Corini (2003-2007)
• Amauri (2006-2008)
• Simon Kjær (2008-2010)
• Javier Pastore (2009-2011)

Li campiuna dû Munnu 2006

• Andrea Barzagli (2006)
• Cristian Zaccardo (2006)
• Simone Barone (2006)
• Fabio Grosso (2006)

Jucatura 2012/2013

Allinaturi
Giuseppe Sannino

Furmazzioni tìpica

(4-4-2)

1 Samir Ujkani

31 Eros Pisano

4 Mauro Cetto

15 Milan Milanović

2 Andrea Mantovani

14 Nicolas Bertolo

20 Egidio Arévalo

23 Massimo Donati

21 Franco Brienza

27 Josip Iličič

10 Fabrizio Miccoli

Lijami di fora

Nta Commons s'attròvanu àutri mmàggini rilativi a Unioni Sportiva Citati di Palermu.

• (IT) Situ Ufficiali
• (IT) Situ di Stadionews 24
• (IT) Situ di Mediagol, jurnali online supra lu Palermu
• (IT) (SCN) Forum di Tifusi
• (IT) (SCN) Siti di Tifusi
• (IT) (SCN) Siti di Tifusi
• (IT) (SCN) Situ umurìsticu di Tifusi

Seria A 2012-2013

Atalanta - Bologna - Cagliari - Catania - Chievo - Fiorentina - Genoa - Inter - Juventus - Lazio Milan - Napoli - Palermu - Parma - Pescara - Roma - Sampdoria - Siena - Torinu - Udinese

Cauciu - Nazziunali taliana - Arbu d'oru Campiunatu di Seria A