Sincrunizzazzioni di li Ruloggi

Dâ Wikipedia, la nciclupidìa lìbbira.

La Sincrunizzazzioni di li Ruloggi eni nu prubbrema dâ scenza di l'elabburazzioni e dâ ncignirìa ca avi a cchi fari cu l'idìa ca li rulògghi nterni di n'assai nùmmiru di computer putìssiru èssiri diffirenti ntra d'iddi.
Macari quannu sunnu sittati ccu attinzioni, li ruloggi doppu nu certu pirìudu di tempu si ni vanu pi li fatti soi ppi via di na dirivazzioni di ruloggiu ca eni causata di lu fattu ca li ruloggi cùntanu lu tempu nta na manera picca picca diffirenti a rìttima diffirenti.
Ci sunnu nu munzeddu di prubbremi ca accàpitanu comu ripircussioni di misurazzioni diffirenti e diversi suluzzioni, arcuni sunnu cchiu apprupriati di àutri nta certi cuntesti.

Ntâ cumunicazzioni siriali, certi pirsuni usanu li palori "sincrunizzazzioni di li ruloggi" sulu pi parrari supra a lu fattu di pigghiari nu signali di ruloggiu comu mitrònumu ppi fàrilu pulsari a la stissa friquenza di n'àutru (sincrunizzazzioni di friquenza e sincrunizzazzioni di fasi.)
Stu tipu di "sincrunizzazzioni di ruloggiu" eni usata ntâ sincrunizzazzioni di li telicumunicazzioni e nta lu rivilamentu dâ cadenza di baud autumàticu.

Prubbremi[cancia | cancia la surgenti]

D'arredi a la prisunta mpricisioni di lu tempu stissu, ci sunnu li mpricisioni di la difinizzioni di lu tempu stissu, ci sunnu prubbremi assuciati cu lu disalliniamentu ca sùmmanu cumplissitati ultiriuri nta nu sistema distribbuitu unni diversi computer hann'aviri bisognu di lu stissu tempu glubbali.

P'asèmpiu, nta li sistemi upirativi Unix lu cumannu make (faciri) ca eni utilizzattu pi cumpilari còdici novi o mudificati senza bisognu di ricompilari còdici ca nun hà statu canciatu.
Lu cummannu make aiuta lu ruloggiu dâ màchina ca sta funziunannu ppi ditirminari quali file surgenti hannu bisognu di èssiri ricumpilati.
Si li surgenti stannu sù file server siparati e li dui màchini hannu ruloggi ca nun sunnu sincrunizzati, lu prucramma make putissi macari nun prudùciri li risultati curretti.

Suluzzioni[cancia | cancia la surgenti]

Nta nu sistema cintralizzatu la suluzzioni eni cosa pei babbi; lu server cintralizzatu ci cumannu lu tempu di sistema.
L'algurìttimu di li cristiani e l'algurìttimu di Berkeley sunnu di li suluzzioni a lu prubblema di sincrunizzazzioni di li ruloggi nta n'ambienti server cintralizzatu.
Nta nu sistema distribbuitu lu prubblema eni cchiu cumplessu picchini lu tempu glubbali nun eni canusciutu.
lA suluzzioni di sincrunizzazzioni di ruloggiu cchiì usata supra Internet eni lu Prutucollu di Tempu di Riti (canusciutu megghiu ccu l'acrònimu ancrisi NTP ca fussi Network Time Protocol) ca s'abbasa supra n'architittura "clienti-sirbituri" supra lu passaggiu di missaggi UDP.

Fìsica
Acùstica | Astrofìsica | Elettrumagnetismu | Fìsica nucliari | Fìsica dî particeddi | Miccànica (fìsica) | Miccànica quantìstica | Òttica | Tiurìa dâ rilativitati | Termudinàmica