Secunna guerra munniali (Opirazzioni Husky)

Dâ Wikipedia, la nciclupidìa lìbbira.
Lu pianu d'attaccu dî forzi alliati.

Duranti la Secunna guerra munniali, lu 10 di giugnettu 1943 li forzi anglu-miricani sbàrcuno ntê costi dâ Sicilia. Lu pianu d'occupazzioni, dicisu a Casablanca di Roosevelt e Churchill ntô misi di jinnaru, veni chiamatu Opirazzioni Husky. Lu sbarcu acuuminzau ntè matinati nti tutti li spiaggi dû sud dâ Sicilia dâ Licata nzinu a Portupalu e Marzamemi. Doppu 38 jiorna di battagghî, li forzi alliati agghìcunu a Missina, ma nun rinèscinu a mpediri l'evacuazzioni in Calabbria dî forzi di l'Assi. Italiani e tudischi arrìvunu a traspurtari ntô cuntinenti la maggior parti di l'òmini e dî mezzi. Â fini, lu 8 di sittèmmiru a Cassibbili veni firmatu l'armistizziu. Lu cuvernu ufficiali italianu passa dû latu dî forzi alliati. Lu sbarcu in Sicilia, marcau l'inizziu di la libirazzioni italiana, e ristau nta li mimorî dû pòpulu, e resta comunqui unu di l'abbinimenti cchiù mpurtanti dâ storia ricenti dâ Sicilia e di l'Italia.