Sebastopoli

Dâ Wikipedia, la nciclupidìa lìbbira.
Viduta dâ citati e dû portu.

Sebastopoli è na citati dâ Crimea di circa 340.000 abbitanti. Situata n tirritoriu ucrainu pi tutta l'èbbica suvietica e nzinu ô 2014, la citati fu funnata dê russi ntô XVIII sèculu. Abbitata ancora ê jorna nostri di na maggiuranza di russofuni, la citati havi lu portu dâ marina militari russa cchiù mpurtanti pi l'opirazzioni ntô mari miditirraniu.

Ntô 2014 la citati fu tiatru di nu muvumentu di massa contra lu cuvernu di Kiev e passau sutta l'amministrazzioni dâ Russia n sèquitu a nu referendum urganizzatu ntô misi di marzu. L'annissioni dâ Russia nun è pirò arricanusciuta dâ cumunitati ntirnazziunali.