Santa Ninfa di Palermu

Dâ Wikipedia, la nciclupidìa lìbbira.
Santa Ninfa e i Virgini Palermitani; Quatru di Giuacchinu Marturana, 1768 na Cresia omonima di Palermu

Santa Ninfa (Palermu V sèculu) diriva lu nomu du grecu Nynphe e significa virgini ca s’annu a maritari; puru divinità femminili di voschi, ciumi, laghi, muntagni. Santa Ninfa nun è scritta nta l’antichi Martirulogi. I so Atti, pigghiati di Codici du XII seculu sunnu iunciuti a chiddi da vita di S. Mamilianu. Ninfa era figha di Aurelianu, prifettu di Palermu, persecutori di cristiani. Fu cunvirtuta e vattiata nta so casa du viscuvu Mamilianu, cu avutri trenta pirsuni. Lu patri, Aurelianu, quannu arrestò Mamilianu e avutri ducentu cristiani, tentò di fari turnari nnarreri a figha da nova religioni. Doppu ca i torturò i fici mettiri nto carceri ma un ancilu i libbirò e i purtò a mari, unni truvaru na varca. Doppu na pirsicuzioni riligiusa pi opra di Ariani versu l’annu 450 a mannaru nto esiliu all’Africa, forsi cu San Mamilianu viscuvu di Palermu ( ? ). Cà, riscattata da pietà di fideli s’arritirau nta Sardigna e poi all’Isula du Gighu o na nautra vicina, unni San Mamilianu pari ca avissi funnatu cocchi Monasteriu pi monachi rimiti. Addisiati di visitari Roma sbarcare sutta indicazioni di l’ancilu nto locu dittu Bucina; doppu a visita e sapulcri di l’Apostuli Mamilianu muriu e Ninfa u sippilliu vicinu a Bucina; doppo un annu Ninfa muriu e fu sippilluta unni erano i Riliquii di avutri Martiri. Essennu ljata cu u Santu monacu, pari ca si nni ju a Roma pi adorari i sapulcri di l’Apostuli Petru e Paulu e avissi murutu a Portu Romano, veni a diri Fiumicinu, unni i Cristiani ci costrueru na Cresia. I Cristiani di du locu a priarunu pi na siccità ca i curpeva. A chiù antica notizia di S. Ninfa è du IX seculu nto Liber Pontificalis, picchì nta biografia du Papa Leoni IV ( 847- 855) si leggi ca iddu fici un regalu a Cresia di S. Ninfa ca esistia nta zona di Portu. I so Riliquii nto seculu XII si truvavanu nta tanti Cresii di Roma e a Testa nto 1592 era nta Cresia di Santa Maria e Munticeddi. Nto 1593 a testa da Santa fu purtata a Palermu nto n’artari da Cresia Catidrali, cunsacratu nto 1598. U cultu si diffusi nta avutri citati siciliani e un paisi da provincia di Trapani avi u so nomi. U Populu e u Sinatu Palirmitanu ficiru a Santa Ninfa Patruna u 5 Giugnu 1606 chi Santi Uliva e Aita. Nta Citati di Palermu u cultu è antichissimu; a so memoria è du 1483 pi na campana nta Catidrali; nto Codici manuscrittu di l’Archiviu Storicu Diocesanu di Palermu du seculu XIV è ammuntuata nta Litania di Santi; nto Briviariu di pergamena di Simuni di Bologna nto Tesoru da Catidrali di Palermu ( 1445 ) e nta vari sprissioni di arti. Fu cilibrata da Cresia Palermitana fino o 1980 comu Memoria Obbligatoria; du 1981 fu cancellata du Calinnariu Liturgicu Rigionali, ma nta Citati di Palermu po’ essiri sempri cilibrata comu Memoria facoltativa. Na Cresia du 1600 a Palermu porta u so Nomi e u cultu è vivu nò paisi di S. Ninfa ( TP ) picchì è a Patrona Principali.

Liami:http://www.sanfrancescosales.it/I%20Nostri%20Santi/S.Ninfa%20di%20Palermo.htm