Santa Eustochia Calafatu di Messina

Dâ Wikipedia, la nciclupidìa lìbbira.
Eustochia Calafatu nta nu quatru dû Vaticanu.

Eustochia Smiralda Calafatu (Missina 25 di marzu 1434 - Missina 29 di jinnaru 1485) è na santa dâ Cresia Cattolica.

Aggiografìa[cancia | cancia la surgenti]

Smiralda fu la quarta di sei figghi di Bernardu Cufinu dittu Calafatu e Mascalda Rumanu. La matri si iscrissi no Terz’Ordini Franciscanu, facennu na vita di prijera e pinitenza. A unnici anni Smiralda fu prumissa sposa a un viduvu, ma lu matrimoniu non si fici picchì iddu murìu. Versu l’età di quattordici anni dicidiu di cunsacrarisi pi sempri a Diu, divintannu clarissa. Ma lu patri nun vuleva e appi aspittari a morti d'iddu pi trasiri nò Munasterio di Clarissi di S. Maria di Basicò unni pigghiò lu nomi di soru Eustochia. La vita di pinitenza, la miditazioni dâ Passioni di Cristu, lu sirvizzu di malati, attiraru la stima e la vinirazioni di l’autri monachi. Ma idda vulìa ossirvari la Regula di vera puvirtà franciscana di Santa Chiara suttu la dirizioni dî Frati Minuri. Quannu ebbi la autorizzazioni dû Papa Callistu III, cu l’aiutu di Bartulumeu Ansaluni, nobili missinisi, di sò matri e sò soru, no 1460 un vecchiu Spitali fu adattatu a Monasteriu e ci traseru puru a soru Mita (Margarita ) e na niputi. Si trasfireru no Quarteri Muntivirgini no 1464. Docu Eustochia murìu lu 29 di jinnaru 1485, lassannu circa cinquanta monachi.

Abbinimenti miraculusi[cancia | cancia la surgenti]

Doppu cocchi jornu da morti la so fideli cumpagna Jacupa Puddicinu scrissi la vita e nò Corpu si manifistaru finomeni prudigiusi, ca ci sunnu ancora oj: è moddu, manna suavissimu prufumu, ci criscinu i capiddi e l’ugna di manu.

Canunizzazzioni[cancia | cancia la surgenti]

Lu Papa Piu VI appruvò lu cultu lu 14 di sittèmmiru 1782. Nò 1966 fu arripigghiatu lu Prucessu e l’11 di giugnu1988 a Missina lu Papa Giuvanni Paulu II la fici Santa. Veni cilibbrata lu 20 di jinnaru. Ogni 22 Austu a Amministrazioni Cumunali di Missina porta la Santa un ciru vutivu lavuratu di 38 libbri ( Kg.17, 24 ).

Li Riliqui[cancia | cancia la surgenti]

Lu Corpu sanu sanu è custuditu supra l’artari da Cresia di Muntivirgini a Missina.

Liami[cancia | cancia la surgenti]