San Vitali di Castrunovu

Dâ Wikipedia, la nciclupidìa lìbbira.
Statua di lignu na Cresia di san Luca a Armentu ( PZ )

San Vitali di Castrunovu (Castrunovu X sèculu - Rapolla 9 di marzu 993) è nu Santu di la Chiesa cattolica.

Aggiografìa[cancia | cancia la surgenti]

La vita dû Santu, scrivuta 'n grecu di n'auturi cuntimpuràniu, vinni traduciuta nnô 1194 e didicata a Rubertu, Vìscuvu di Tricaricu (MT).
Vitali, figghiu di Sergiu e Crisufònica, nascìu ô princìpiu dû X sèculu a Castrunovu 'n pruvincia di Palermu. Accuminciò la vita munàstica nnô Munastèriu di San Fulippu d’Aggira, ê fàvuri di l’Etna, unni c’èranu tanti mònachi calabbru-sìculi.
Si nni ivu, doppu cinc’anni, 'n pilligrinaggiu a Roma e â turnata si firmò ‘n Calabbria, attagghiu a Santa Sivirina, unni accuminciò la vita di rimitu. Ammeri lu Cassanu, ncuntrò lu mònacu Antoniu e ci detti tanti cunsigghi; appoi passò pi tanti lochi unni cunfurtava li mònachi ncustiati pi la mmasioni di l'àrabbi. A Bari fu aricivutu dô Capitanu Basiliu nnô 979. Turnatu ntâ Lucania, ristaurò lu Munastèriu di Santi Adrianu e Natalia e fu fattu priggiuneru. Sò niputi Elia, macari iddu mònacu, si nni ivu nnâ zona di Turri, unni fici nu Monastèriu e cu sò ziu si spostò a Rapolla, unni Vitali murìu, lu 9 Marzu 993.

Li riliqui[cancia | cancia la surgenti]

Sippillutu nnâ Cresia dô Munastèriu, doppu 30 anni pi sò espressa vuluntati, fu purtatu nnô Munastèriu di Guardia Perticara 'n (PZ), di unni fu spustatu a Turri, nnâ Cattidrali di Tricaricu e appoi a Armentu nnâ Cresia di S. Luca. Li Riliquii di S. Vitali Abati foru purtati a Castrunovu dû 22 o 15 di austu 1994, 'n uccasioni dû millinnàriu dâ nàscita, cilibratu a Armentu nnô 1990.