San Pàulu (SR)

Dâ Wikipedia, la nciclupidìa lìbbira.
San Pàulu
Solarino-Stemma.png
Muttu:  
Nomu ufficiali: Solarino
Pruvincia: Sarausa (SR)
Superfici: 13,01 km²
Abbitanti: 7.365 (Sampalisi)
Dinzitati: 556 ab./km²
Cumuni cunfinanti: Ciuriddia, Palazzolu Acrèidi, Priolu, Sarausa, Sciurtinu
CAP: 96010
Prifissu telefònicu: +390931
Situ ufficiali: {{{situufficiali}}}

San Pàulu (o Sampàulu) è nu cumuni di 7.365 abbitanti dâ pruvincia di Sarausa. In talianu lu nomu di stu paisi è Solarino. Lu nomu di San Pàulu, sècunnu a tradizzioni lucali, diriva dû fattu ca l'Apòstulu San Pàulu duranti lu sò viaggiu a Sarausa, passau dû locu unni poi fu funnatu lu paisi. Ancora ora, nta na campagna di stu paisi cc'è nu puzzu didicatu a San Pàulu ca veni chiamatu "Puzzu 'a Cresia" o Puzzu 'i San Pàulu" e unni si cridi ca cci passau propiu San Pàulu.

Parrata sampalisa[cancia | cancia la surgenti]

 parrata sampalisa fa parti dâ lingua siciliana e precisamenti di chidda nun metafunètica orientali ca si parra ntê pruvinci di Catania e di Sarausa.
Ntâ funètica, però, havi alcuni diffirenzi:

  1. Â duppia d (dd) si prununzia comu si fussi una sula. Pirciò, palori comu iddu, nuddu, cavaddu, ntâ prununzia sampalisi addiventunu idu, nudu, cavadu.
  2. Â "tr" havi lu stissu sonu c'avissi 'n talianu. Pirciò, palori comu tri, travagghiu e strata ca 'n sicilianu si prunùnciunu tři, třavagghiu e střata, 'n sampalisi si prunùnciunu tri, travagghiu e strata.

Sta diffirenza, forsi, addiriva dû fattu ca li primi abbitanti dû paisi nun èrunu sulu siciliani (jannattinisi, nuticiani e sarausani) ma puru maltisi, piemuntisi e lìguri.

Fotografiei[cancia | cancia la surgenti]