San Filici di Nicusia

Dâ Wikipedia, la nciclupidìa lìbbira.
San Filici di Nicusia no Quatru du Vaticanu, 2005

Filici di Nicusia (Nicusia (EN), 5 di nuvèmmiru 1715 - Nicusia, 31 di maiu 1787) è un Santu Cappuccinu, viniratu da Cresia Cattolica.

Biografìa[cancia | cancia la surgenti]

Lu patri si chiamava Fulippu Amurusu e la matri Carmela Pirru. Lu nutrìcu lu stissu jornu fu vattiatu e chiamatu Fulippu Giacumu. Quannu fu picciottu fu mannatu a nsignarisi l’arti du scarparu. Si scrissi, comu sò patri, â Cunfraternita di Cappuccinelli na Cresia di Miraculi. Datu ca era analfabeta dumannò di trasiri comu frati laicu nall’Ordini di Cappuccini. Pi ott’anni ci dissiru no. Fici l’annu di nuviziatu a Mistretta e si vosi chiamari Fra Filici comu lu primu Santu Cappuccinu. Addivintò un frati di cerca, vali a diri cuggheva â limosina e cocchi cosa pû Cummentu e ringraziava sempri tutti dicennu: “Sia pi l’amuri di Diu“, arrivannu sinu a Mistretta, Gangi, Spirlinga, Capizzi e Gagghianu. Fu divotu du Crucifissu e dâ Santa Eucaristia e vinirava cu amuri la Madonna. Sempri prontu pî malati na nfirmiria dû Cummentu, mentri travgghiava nò jardinu ci vinni na frevi forti. Muriu lu 31 di Maju 1787.

Canunizzazzioni[cancia | cancia la surgenti]

Fu biatificatu di Papa Liuni XIII lu 12 di frivaru 1888 e fattu Santu du Papa Binidittu XVI lu 23 di uttùviru 2005. E’ compatronu di Nicusia. A festa è cilibrata lu 2 di giugnu.

Riliquii[cancia | cancia la surgenti]

Lu Corpu è sutta l’artari didicatu ô Santu na Cresia di S. Maria di l’Ancili di Nicusia. Autri Riliqui sunnu na Catidrali.


Liami[cancia | cancia la surgenti]