San Birnardu di Curliuni
Birnardu di Curliuni, Santu dâ Chiesa Cattolica, nasciu Fulippu Latini (Curliuni 6 di frivaru 1605 – Palermu 12 di jinnaru 1667).
Biografìa[cancia | cancia la surgenti]
Lu patri fu un conciaturi di piddami e vuleva fari du figghiu un scarparu. Ma lu picciottu era spataccinu tantu ca fu dittu “ a prima spata di Sicilia “. Mitteva la so spata ô sirvizzu di puvireddi, ma un jornu un certu Vitu Caninu lu sfidau a duellu e fu firutu gravimenti ca arristau mutilatu. Si rifuggiò no Cummentu di Cappuccini, ma passaru du anni prima di trasiri no Nuviziatu di Caltanissetta, unni arristò fratellu laicu.
Girau tanti Cummenti da Sicilia: Pulizzi Ginirusa, Bivona, Castrunovu, Castelvetranu, Busachinu, Ciminna, Chiusa e fu sempri assignatu a travagghi umili e di cucina.
Priava di cuntinuu e diceva sempri: “ Amati, laudati, biniciti, ringraziati, adorati u Signuri Diu Onnipotenti, Patri, Fighu e Spiritu Santu “. Tutti si maravigghiavanu comu un frati laicu putissi discurriri accussì du Misteriu da Santissima Trinitati.
Appi lu donu da prufizia e dissi a tutti lu jornu da so morti, lu 12 di jinnaru dû 1667.
Fu sippillutu nò Cummentu di Patri Cappuccini di Palermu unni c’è lu so Corpu all’artaru du Crucifissu. Fu fattu Biatu lu 15 di maju dû 1768 du Papa Climenti XIII e Santu lu 10 di giugnu 2001 du Papa Giuvanni Paulu II.