Sìntisi urgànica

Dâ Wikipedia, la nciclupidìa lìbbira.

La sìntisi urgànica è la custruzzioni di mulèculi urgànichi attraversu prucessi chìmichi. Li muléculi urgànichi javunu spissu nu gradu di cumplissità majuri rispettu a chiddi nurgànici , picciò la sìntisi dê cumposti urgànichi hà divintatu n'aspettu sempri cchiù mpurtanti dâ chìmica urgànica. La sìntisi urgànica è spartuta na dù granni àrii ca sù: la sìntisi tutali e la mituduluggìa.

Sìntisi tutali[cancia | cancia la surgenti]

Na sìntisi tutali è na sìntisi chìmica cumpleta di muléculi urgànichi cumplessi, partennu di pricussori facirmenti dispunìbbili ntô cummerciu. Nta na sìntisi liniari vènunu pircurruti na serî di passaggi unu appressu a l'àutru, nzinu all'uttinimentu dâ mulècula addisiddirata: chistu è lu casu dê casi cchiù sèmprici. Li cumposti chìmici uttinuti prima dô prudottu finali sunnu chiamati 'ntirmedi di sìntisi. Pi mulèculi cchiù cumpressi, si prifiriscìa na sìntisi cunvirgenti. Nta stu casu, vènunu sintitizzati siparatamenti diversi "pezzi" (ntirmedi chiavi) dô prudòttu finali, ca appoi vènunu junciuti nzemi versu la fini di la sìntisi.

Robert Burns Woodward ca pi diversi asempi di sìntisi tutali (comu la sìntisi da stricnina) ricivìu lu Premiu Nobel pâ chìmica ntô 1965, è ricanusciutu comu lu patri di la sìntisi urgànica.

Mituduluggìa[cancia | cancia la surgenti]

Ogni passàggiu di na sìntisi cuinvorgi na riazzioni chìmica: pì uttiniri na resa e na purizza suddisfacenti cu lu cchiù picca sforzu pussìbbili, è nicissàriu scègghiri attintamenti li riaggenti, e truvari li mègghiu cunnizzioni spirimintali. Si è dispunìbbili ntâ littiratura un mètudu pi sintitizzari unu di li ntirmedi di na sìntisi, si prifiriscia usàrilu, chiuttostu ca accuminzari di zeru: pirò, la maiuri parti di li ntirmedi sunnu cumposti mai sintitizzati apprima, e p'uttinìrili vènunu usati mètudi sviluppati secunnu reuli ginirali, ca pìgghiunu lu nomu di mituduluggìa. Chisti mètudi hannu a dari resi àuti e èssiri dispunìbbili pi nu granni nùmmuru di substrati. La ricerca supra a mituduluggìa veni di sòlitu nta tri fasi: scuperta, uttimizzazzioni, e lu stùdiu di l'applicazzioni e limitazzioni. L'uttimizzazzioni arriguarda lu stùdiu di na riazzioni variannu la timpiratura, la durata dâ riazzioni, lu sulventi, ecc., nzinu a la scupruta di li cunnizzioni uttimali pi uttiniri la cchiù àuta resa e la màssima purizza. Ntô terzu stàdiu, lu mètudu veni studiatu supra na granni classi di substrati, pi virificàrini l'applicàbbilità e li limitazioni. A li voti, pi dimustrari lu valuri dô novu mètudu di sìntisi cu n'applicazzioni riali, veni fatta na sìntisi tutali.

Sìntisi asimmètrica[cancia | cancia la surgenti]

La maiuri parti di li mulèculi urgànichi cumplessi s'attrova ntâ natura comu ùnicu inantìomiru, zoè ùnicu ntô sò gèniri cu na pricisa struttura chìmica. Ma, chî mètudi chìmici cunvinziunali è sulitamenti pussìbbili uttiniri sulu miscèli racèmichi, zoè misceli di dù inantìomiri, (a stissa fòrmula chìmica, cància sulu la dispusizzioni di l'àtumi ntô spàzziu, ma appoi sù la stissa mulècula) ca appoi ponnu èssiri siparati succissivamenti cu diversi mètudi.

Ntâ secunna metati dô XX sèculu, si sunnu manu manu sviluppati mètudi di catàlisi asimmètrica 'n modu di dirìggiri li riazzioni versu un sulu inantìomiru, chiuttostu ca versu la miscela racèmica. Nta stu modu, addivintàu assai cchiù sèmplici e ecunòmicu cummircializzari inantìomiri di sìntisi. Pi lu sviluppu di sti mètudi (comu l'epossìdazioni di Sharpless, o l'idrogginazzioni asimmètrica), William S. Knowles, Ryoji Noyori e K. Barry Sharpless si spatteru lu Premiu Nobel pâ chìmica ntô 2001.

Pruggittazzioni di la sìntisi[cancia | cancia la surgenti]

Elias James Corey cuntribuìu ntô campu di la sìntisi urgànica cu n'appròcciu furmali, chiamatu anàlisi retrusintètica (pi la qualia ricivìu lu Premiu Nobel pâ chìmica ntô1990). Nta stu approcciu, la sìntisi è pruggittata ô cuntràriu, partennu di la mulècula ubbiettivu turnannu aredi. Ogni passaggiu di la retrusìntisi è lijatu ô succissivu usannu li spiciali frecci (\Rightarrow\, , ca signìfica "ca veni di ddà").