Roma

Dâ Wikipedia, la nciclupidìa lìbbira.
(Rinnirizzata di Rumani)
Roma
Roma.png
Nomu ufficiali: Roma
Riggiuni: Lazziu
Pruvincia: Roma (RM)
Aria: 1.285 km²
Abbitanti: 2.823.873
Dinsità: 2.197 ab./km²
Cumuni cunfinanti: Albanu, Anguillara Sabazia, Ardea, Campagnano di Roma, Castel Gandolfo, Castel San Pietro Romano, Ciampino, Città del Vaticano (SCV), Colonna, Fiumicino, Fonte Nuova, Formello, Frascati, Gallicano nel Lazio, Grottaferrata, Guidonia Montecelio, Marino, Mentana, Monte Porzio Catone, Monte Compatri, Monterotondo, Palestrina, Poli, Pomezia, Riano, Sacrofano, San Gregorio da Sassola, Tivoli, Trevignano Romano, Zagarolo
CAP: 00100 (genèricu), di 00121 a 00199
Prifissu telefònicu: +06

Roma è la capitali di l'Italia. Di na populazzioni di circa tri miliuna d'abbitanti, s'attrova casi ô centru dû tirritoriu talianu, e di la pinìsula taliana.

Storia[cancia | cancia la surgenti]

Funnazzioni[cancia | cancia la surgenti]

La data ufficiali di la funnazzioni di Roma havi stata stabbiluta di Marcu Terenziu Varroni ntô 21 di Aprili dû 753 a.C.. Àutri storici dunaru dati diversi ma comegghiè cumprinnuti ntra lu nonu e l'uttavu sèculu: lu pueta latinu Quintu Enniu poni la data di nasciuta di Roma ntô 875 a.C.; lu storicu grecu Timeu di Tauromeniu ntô 814 a.C., Fabiu Pitturi ntô 748 a.C. e Luciu Cinciu Alimentu ntô 729 a.C.


Etati Regia[cancia | cancia la surgenti]

Secunnu la tradizzioni fu Ròmulu, frati giameddu di Remu lu funnaturi e primu reghi di Roma. Iddu mmintau e fici la delimitazzioni dâ zona sacra dâ citati e propriu pi ssu mutivu lu frati Remu, surpassata sta banna nvalicàbbili, fu ammazzatu di iddu. Doppu la morti di Ròmulu addivintau reghi Numa Pompiliu ca cumannau pi 43 anni. Lu terzu fu Tulliu Ostiliu ca murìu doppu 32 anni di regnu: la liggenna cunta ca lu so' regnu finìu quannu li furmini curperu la so' casa. Duranti lu sò regnu li Rumani li Albani e a citati di Roma fu allargata finu o munti Caeliu. Ancu Marziu, lu quartu, arrignau pi 24 anni, allargau la cità finu o Gianiculu e l'Aventinu; mossi di malatia. Lu quintu fu Tarquiniu Priscu, duranti lu so' regnu fu custruiutu lu primo cìrculu e accuminciaru li primi jochi. La citati vinni allargata finu o Campidogliu e megghiu addifinnuta câ custruzzioni di novi mura. Pi risòrviri li prubblemi iggenici custruìu la Cloaca Maxima. Rignau pi 37 anni. Serviu Tulliu arrignau pi 43 anni. L'ùrtimu fu Tarquiniu lu Superbu ca arrignau pi 25 anni.

Etati dâ Res Publica[cancia | cancia la surgenti]

Doppu ca li Rumani àppiru fora l'ùrtimi reghi, ntô 509 a.C Roma addivintau na ripùbbrica.

Etati di lu Mperu[cancia | cancia la surgenti]

Fu sulu ntô 31 a.C. ca Ottavianu Augustu, pruchiamau lu mpiru rumanu ca durau nzinu ô 476 dâ nostra era. A st'èbbica la zona dî Fori Mpiriali era lu centru dâ vita pulìtica e culturali di tuttu lu tirritoriu di lu mpiru.

Mediu Evu[cancia | cancia la surgenti]

Li sèculi dû mediuevu sunnu carattirizzati di na ginirali dicadenza, cu saccheggi e nvasioni bàrbarichi succissivi e ripituti nnû tempu.

Rinascimentu e Umanesimu[cancia | cancia la surgenti]

Fu sulu a pàrtiri dâ fini dû mediu evu, versu lu Sèculu XIV ca Roma accuminza n'àutra vota a affirmàrisi, supratuttu comu guida riliggiusa sutta li papi. Ntê sèculi chi vìnniru, li papi cumannaru lu rinnuvamentu dâ cità, e grazzi ê cuntribbuti di architetti comu Michelàngelu, Borromini, Bernini, la cità si prisintava sempri cchiossai comu na capitali e na rifirenza ppi tutta l'Europa di l'èbbica.

Periudu Unitariu[cancia | cancia la surgenti]

La storia muderna di Roma cuminza ntô 1870, annu unni li bersagghieri tràsunu a Porta Pia e lu putiri timpurali dû Papa s'accapa. Ppi vuliri dû Reghi d'Italia, Vittoriu Emanueli II, Roma addiventa ntonzi la capitali di l'Italia, e sedi dû cuvernu.

Architittura[cancia | cancia la surgenti]

Roma è na citati famusa assai pî sò granni monumenti e pâ sò architittura clàssica e rinascimintali. Lu Pantheon surgìu nta l'èpuca rumana ntâ chiazza ca ora si chiama Chiazza dâ Rotunda, vinni custruitu dû cònzuli Marcu Agrippa ntô 27 avanti Cristu ma abbruciau ntô 80 doppu Cristu, ricustruitu ntô 127 doppu Cristu pi grazzia dô mpiraturi Adrianu, ristrutturatu ntô 607 di Papa Bonifaciu IV ca lu fici addivintari na crèsia, pi chissu mutivu arristau comu è cammora e nuddu s'arrisicau a sfasciàrici pezzi (sorti ca tuccau a tutti l'àutri monumenti), l'ùnicu granni canciamentu fu l'agghiunta di dui campanari latirali custruiti di Gian Lorenzu Bernini ma chi fìciru spasciari ntô XIX seculu picchì li rumani ni sbintàvanu sempri la forma (lu suprannuminaru addirittura orecchie d'asino "auricchi di sceccu").

Lu Colosseu, l'anfitiatru cchiù cèlibbri di l'antichità

Lu Culusseu fu custruitu di li mpiraturi dâ dinastìa Flavia dô 70 dopu Cristu finu o 80 dopu Cristu. Putìa ricògghiri macari 50.000 pirsuni e ntô menzu ci cumminàvanu battagghi di Gladiaturi, di bestî o di cristiani, ô cuntrariu di chiddu ca si penza, li gladiatura ca s'hannu murutu ntô Culusseu su' daveru picca, iddi nun cummattìanu mai chî bestî ma sempri ntra di iddi e quannu unu s'arrinnìa, vinìa sempri sparagnatu, li gladiatura cummattìvanu pî sordi o pâ sò libirtà (siddu èrunu schiavi) e l'addestramentu custava assai, siddu nu gladiaturi assimpicava pî firiti vinìa sùbbutu midicatu. Li cristiani, ô cuntrariu, cumbattìvanu tra di iddi o chî bestî spissu a manu nudi o cu armi ruggiati, èrunu schiavi e cummattìvanu pâ sò libirtà. La famusa scena dô mpiraturi ca facìa ammazzari nu gladiaturi scunfittu fàusa è, sta cosa succidìa sulu tra cristiani.

Lu culusseu comu si vidi accamora è tuttu spugghiatu, picchì ntô XV sèculu lu papa fici scippari tuttu lu màrmuru pi fàricci la cresia di San Petru.

Manciari[cancia | cancia la surgenti]

Parrannu di Roma, nun si pò nun parrari dû manciari lucali. Li chiatti tìpichi su' li bucatini a la matriciana, la carbunara e la purchetta di Ariccia. Roma vanta puru na para di vini piddaveru boni, li vini dî Casteddi, e nu salami troppu gustusu.

Viditi videmma[cancia | cancia la surgenti]

Bannera dû Lazziu Capuluòchi dû Lazziu Bannera dû Lazziu
Frusinuni | Latina | Rieti | Roma | Viterbu
Lazziu: Cumuni dâ pruvincia di Roma

AffiliAgostaAlbanu LazzialiAllumieriAnguillara SabazziaAnticoli CorraduAnziuArcinazzu RumanuArdeaAricciaArsoliArtenaBellegraBraccianuCamerata NovaCampagnanu di RomaCanali MuntiranuCanteranuCapenaCapranica PrenestinaCarpinetu RumanuCasapiCastel GandolfuCastel MadamaCastel San Pietru RumanuCastelnovu di PortuCaviCerretu LazzialiCervara di RomaCerveteriCiampinuCicilianuCinetu RumanuCivitavecchiaCivitella San PaoluCulliferruCulonnaFianu RumanuFilaccianuFiumicinuFunti NovaFurmelluFrascatiGallicanu ntô LazziuGavignanuGenazzanuGenzanu di RomaGeranuGorgaGruttafirrataGuidonia MunticeliuJenniLabicuLadispoliLanuviuLarianuLicenzaMaglianu RumanuMandelaManzianaMaranu EquuMarcillinaMarinuMazzanu RumanuMintanaMunti CompatriMunti Porziu CatoniMuntiflaviuMuntilanicuMuntilibrettiMuntirutunnuMuntoriu RumanuMoriconiMorlupuNazzanuNemiNerolaNettunuOlevanu RumanuPalestrinaPalombara SabinaPerciliPisonianuPoliPomezziaPonzanu RumanuRianuRignanu FlaminiuRiufridduRucca CanteranuRucca di CaviRucca di PapaRucca PrioraRucca Santu StefanuRuccagioviniRoiatiRomaRovianuSacrofanuSambuciSan CesareuSan Gregoriu di SassolaSan Polu dei CavalieriSan Vitu RumanuSanta MarinellaSant'Ancilu RumanuSant'OrestiSaracinescuSegniSubiacuTivoliTolfaTurrita TiberinaTrivignanu RumanuVaddipetraVaddinfredaValmuntuniVelletriVicovaruVivaru RumanuZagarolu