Robbertu Savianu

Dâ Wikipedia, la nciclupidìa lìbbira.
Robbertu Savianu.

Robbertu Savianu (Napuli, 22 di sittèmmiru 1979) è nu scritturi e giurnalista napulitanu. E' auturi di nu libbru-dinuncia contra la camorra, Gomorra chi divintau nu best-seller a liveddu ntirnazziunali e di cui fu trattu puru nu film.

Biografìa[cancia | cancia la surgenti]

Roberto Saviano si lauriau 'n filusufìa a l'Univirsitati di Nàpuli. Fa parti dû gruppu di l' Ussirvatoriu supra la Camorra e supra l'illigalitati. Cullabbura ccu l' Espresso e Repubblica. Ntî sò cosi scrivuti addòpira la tècnica dû reportage e dâ narrativa pi spiegari la rialitati ecunòmica e tirrituriali dâ Camorra e di autri furmi di criminalitati urganizzata.

Saviano vinni canusciutu a liveddu munniali ccâ pubbricazzioni di Gomorra, unni parrau di lu funziunamentu dâ Camorra. Lu libbru appi assai furtuna e arriniscìu a vìnniri cchiossai di dui miliuna di copii, e fici turnari dû novu attuali 'n Italia lu discursu supra la Mafia. Di l'uttùviru 2006 vivi sutta scurta pi causa dî tanti amminazzamenti ca havi avutu.

Pi lu sò curaggiu e la sò ditirmazzioni nti lu trattari lu prubblema hà statu arritinutu nu eroi nazziunali di mpurtanti scritturi comu Dario Fo, Umberto Eco, José Saramago e Günter Grass.

Libbra[cancia | cancia la surgenti]

  • Gomorra - viaggio nell'impero economico e nel sogno di dominio della camorra. Milano: Arnoldo Mondadori Editore, 2006.
  • Il contrario della morte. Milano:Corriere della Sera, 2007.

Liami Esterni[cancia | cancia la surgenti]