Raffieli Lummardu

Dâ Wikipedia, la nciclupidìa lìbbira.
Raffieli Lummardu.

Raffieli Lummardu (oppuru, 'n lingua taliana, Raffaele Lombardo) (Catania, 29 di uttùviru 1950) è n'omu pulìticu sicilianu: cuvirnaturi di la Riggiuni Siciliana di lu 2008, funnaturi e boss di lu Muvimentu ppi l'Autunumia (Mpa), prisidenti dâ Pruvincia di Catania di lu 2003 a lu 2008 e parlamintari eurupeu di lu 2004 a lu 2008.

Bioggrafia[cancia | cancia la surgenti]

Lauriatu 'n midicina e chirurgìa e spicializzatu nta pissichiatria furenzi, nta lu 1977 eni diriggenti nazziunali di lu Muvimentu dâ Juvintuti dâ Dimucrazzìa Cristiana catanisa guidata di Marco Follini e cu la DC attacca a fari carrera a l'ùmmira di Calòggiru Manninu di cui eni cunzidiratu lu dilfinu.
Mentri eni cunsigghieri e assissuri di lu Cumuni di Catania lu 22 di giugnu di lu 1986 eni ilettu diputatu all'Assimbrea Riggiunali Siciliana nta lu cullegiu di Catania cu 37.900 vota di prifirenza supra a 204.647 di lista.
Lu 18 giugnu 1991 eni rielettu cu 64.887 vota di prifirenza supra a 241.659 di lista.
Addiventa accussini diputatu â Riggiuni e macari assisuri riggiunali a l'Enta lucali.

Lu 22 aprili 1992, nta l'ambitu di n'inchiesta ca rigguardava irrigularità di nu cuncorsu pubbricu all'Azienna Sanitaria Lucali 35 di Catania, veni arristatu cu l'accusa d'antiressi privatu nta atta d'ufficiu e abbusu d'ufficiu[1] e veni cunnannatu in primu gradu.
S'addimetti d'assissuri prubabirmenti pi tali cundanna, ma puoi veni assoltu in appellu.

Lu 23 lugliu 1994 eni novamenti arristatu p'associazzioni a dilinquiri finalizzata a cummettiri riati contra a pubblica amministrazione pi lu scandalu di n'appartu di 48 miliarda di liri ppi li pasti di l'uspitali Vittorio Emanuele II di Catania: ppi l'accusa, nu cumitatu d'affara cumpostu di Rinu Nicolosi, Salvo Andò, Antonino Drago e lu stissu Lumbardu avissi aggarantitu l'appaltu all'azzienda di l'ex prisidenti di l'Inter Ernestu Pillegrini, in cangiu di na tangenti di 5 miliarda di liri[2].

Luntanu dâ pulìtica pi cunziquenza dê fatti di Tangintòpuli, finuti cu li dui arresti, e doppu èssiri statu assortu dû scànnalu giudizziariu, Lummardu si prisenta dû novu ntô Centru Cristianu Dimucràticu di Pier Ferdinando Casini, pi passari succissivamenti dû novu a l'UDC ristànnuci nzinu ô 2005.

Nu jornu prima di l'arrestu veni suspesu (a li siensa d'a liggi 55/1990) dâ funzioni di diputatu finu a lu 29 sittiemmiru di lu stissu annu[3].

Lu 17 di dicembri 1994 Lumbardu lassa ccu dui anni d'anticipu l'Assimbrea Riggiunali Siciliana.

È nto frattiempu eni ilettu vicisigritariu di lu Centru Cristianu Dimucraticu sicilianu.

Nta l'istati di lu 1997 fa lu giru di lu munnu a nutizzia ca Lumbardu s'accattau nta n'asta pubbrica pi picca sorda n'archiviu di libbra e robba c'avia appartinutu a Giovanni Verga.
Douppu vari pulemichi supra lu picchini all'asta lu Cumuni di Catania nun avissi isircitatu lu dirittu di prilazzioni, Lumbardu dona tuttu a lu Cumuni[4][5].

Nta lu giugnu di lu 1999 eni ilettu euruparlamintari ppi lu Ccd, puoi vici-sìnnucu di Catania ntô 2000 e prisidenti dâ Pruvincia di Catania ntô 2003 p'addimittirisi nta lu frivaru 2008 pi l'ilizziona pa Riggiuni Siciliana.

Lu 17 di marzu 2000 Pellegrini patteggia ammittiennu d'aviri pinzatu di virsari a tangenti a quarchi puliticu, comu a Lombardu, ma li jiudici finisciunu ppi cunzidirari di sanaredda sulu nu "rialu": lu riatu ven dirubbricatu comu "finanziamentu illecitu a li partita", riatu ca pi l'imputata arrisuttava priscrittu.
Li judici, in sustanza, nun arricanusciunu nta l'attività rilativi a l'uspitali Vittorio Emanuele l'esistenza di nu veru e propriu cumitatu d'affari: pi sta aggiuni, l'imputata sunu assorta di l'accusa d'associazzioni a dilinquiri, iniziarmenti iputizzata anzemi â corruzzioni[6].

Li judici â fini ci arricanusciunu n'indinnizzu di 33 mila euro ppi "ingiusta detenzione", sanaredda ca venunu paiati di li cuntribuenta siciliana.[7].


Ntô 2004 veni ricunfirmatu euruparlamintari.

Ntô maiu 2005 custituisci quattru listi, ntra chisti lu Muvimentu pi l'Autonumìa, ca, cugghiennu cumprissivamenti lu 20% dê prifirenzi, s'addimùstranu dicisivi pi rielèggiri Ummertu Scapagnini (Forza Italia) sìnnucu di Catania.

'N sècutu a l'accusi di gistioni anti-dimucràtica dû partitu ca ci vutaru li espunenti quarantinni dâ UDC siciliana, ê richiesti di cummissariamentu dê stissi, cu lu arrivu di Luca Volontè, 'n qualità di supravisuri, e di Francesco D'Onofrio 'n qualità di cummissariu, Lummardu nesci difinitivamenti dâ UDC e s'abbìa 'n capu lu sò Muvimentu pi l'Autonumìa privalentimenti supra scala centru-miridiunalista, câ ntinzioni di custituiri nu terzu polu, n altirnativa ê schieramenti tradizziunali, comu già succiudìu a l'elizzioni cumunali di Missina dû nuvèmmiru 2005, unni era alliatu cu lu euruparlamintari, ca vinìa di Allianza Nazziunali, Nellu Musumeci e la sò Allianza Siciliana, nasciuta ntô sittèmmiru 2005 unni era alliatu ccu l'euruparramintari ex-Allianza Nazziunali Nellu Musumeci e a sô Allianza Siciliana, ca oggi s'ammiscau nta La Destra, causannnu a scunfitta di lu candidatu di centru-destra.

A l'elizzioni pulìtichi taliani dû 2006 addiveni alliatu dâ Lega Nord di Umbertu Bossi, facennu lu Pattu pi li Autonumìi ca si schiera câ Casa dî Libbirtà e Silviu Berlusconi, ca ntô prugramma di cuvernu metti li punti prugrammàtichi pô sviluppu dû Sud dû paisi. Duoppu l'ilezziona sa fira a aviri siei diputati e nu sinaturi.

A li lizzioni pulitichi riggiunali dû 2008 pâ succissioni â prisidenza dâ riggiuni, Lummardu, appuiatu di tuttu lu centru destra, vinciu contra a canninata dû Partitu democraticu, Anna Finocchiaru.

Nta lu stissu piriòdu si tenunu li lizzioni pulitichi taliani di lu 2008: alliatu di lu Populu di la Libbirtati, sa fira a sistimari uotti diputati e dui senatori, usannu lu premiu di maggiuranza ilitturali.

Lu 31 di giugnettu2012 s'addimisi comu prisidenti dâ riggiuni, ristannu n carrica sulu pi li affari currenti nzinu all'organizzazzioni di elizzioni novi.

Parramientu eurupeu[cancia | cancia la surgenti]

Lumbardu a statu di lu 1999 a lu 2008 diputatu di lu Parramientu eurupeu.
Ilettu nta lu 2004 pâ lista di l'UDC ntâ circoscrizzioni isole, dupppua rinunzia di Turi Cuffaru (ppi ncumpatibbilità câ carrica gghia ricuperta di prisidenti di la Riggioni Siciliana).
Lumbardu riciviu 124 mila voti.
Nta lu giugnu 1999 era statu gghia ilettu euruparramintari ppi lu Ccd.

Iscrittu a lu gruppu parramintari Partitu Pupulari Eurupeu. Membru dâ Cummissioni ppi li libbirtati civili, a gghiustizzia e l'affari nterna; di la Cummissioni ppi li rilazzioni cu li paisi dô Maghreb e l'Unioni di lu Maghreb arabbu (comprisa a Libbia); dâ Diligazzioni ppi li rilazzioni cu lu Canada.
S'addimisi duoppu l'ilizziona a prisidenti di la Riggioni Siciliana.

Noti[cancia | cancia la surgenti]

  1. ^ Cuncursu truccatu: l'assissuri in priggioni (lingua taliana)
  2. ^ Ammanittati i "rinnovatori" (lingua taliana)
  3. ^ Prufilu Diputatu riggiunali Raffieli Lumbardu (lingua taliana)
  4. ^ Verga, n'archiviu ppi dui miliuna (lingua taliana)
  5. ^ Catania, a lu Cumuni li carti di Verga (lingua taliana)
  6. ^ Lumbardu, a bufala ô putiri (lingua taliana)
  7. ^ A lega Lumbardu (lingua taliana)

Vuci currilati[cancia | cancia la surgenti]

Liami sterna[cancia | cancia la surgenti]