Purtali dî tradizzioni dâ Sicilia

Dâ Wikipedia, la nciclupidìa lìbbira.
800px-Suli e mari 1.jpg
Tryske1.jpg
Purtali dî tradizzioni dâ Sicilia
Bannera Siciliana.PNG
Pi sapiri cù semu, ham'a sapiri cui ham'a statu.


 
 
Icuna canciaFulclori sicilianu (leggi tuttu l'artìculu )
Carrettu sicilianu tradizziunali
Lu fulclori sicilianu si cumponi di uggetti, mùsica, abbiti tradizziunali e abbitùdini chi di sèculi carattirìzzanu e diffirènzianu la Sicilia. A l'occhi dî forastera, lu fulclori sicilianu è oi na curiusità comu a tanti àutri, ntigrata puru nti l'ufferta turìstica.
 
 
Icuna canciaCridenzi pupulari (leggi tuttu l'artìculu)

Comu nta tutti li riggioni dô munnu, macari ntâ Sicilia li tradizzioni e li cridenzi pupulari già di l'antichitati hannu svulgiutu nu rolu assai mpurtanti ntâ vita e ntê custumi. Li cridenzi pupulari, vènunu spissu di ntrippitazioni di fatti naturali, liggenni, miti e supirstizzioni.


Ancora oggi risisti la cridenza, speci ntê paisi di l'intraterra, ca prima dô vèniri dâ menzanotti di l'annu novu, s'hà finiri a ogni costu nu travagghiu accuminciatu; si chissu nun putissi èssiri fattu, ssu travagghiu pò arristari mpintu pi tuttu l'annu novu.
 
 
Icuna canciaÒpira dî pupi siciliani (leggi tuttu l'artìculu)

L' Òpira o Opra dî pupi siciliana è nu spittàculu èpicu tiatrali, secunnu l'antica tradizzioni univirsali dû tiatru di fijura. Stu tipu di spittàculu tiatrali fattu cu mariunetti particulari, saputi sèntiri "Pupi" , eppi nu granni successu ntâ Sicilia dû XIX sèculu e durau nzinu a la mitati dû XX sèculu, quannu ivu alleggiu alleggiu a mòriri cu l'arrivu dâ telivisioni e dû cìnima. Pirò e pri furtuna, li picca famigghi di pupari di Catania e di Palermu c'avìanu arrinisciutu a arristari additta, ripigghiannu lu ripirtòriu pri fàrini na scigghiuta di li megghiu rapprisintazzioni e di chisti isànnuni ancora chiossai lu liveddu arìsticu, arrinisceru a sarvari zoccu c'arristava di st'antica arti siciliana e cuntinuàrini la tradizzioni


Lu Pupu (dû latinu pupus, ca voli diri bammineddu) e la mariunetta armata di ddu tiatru èpicu pupulari ca, dâ prima metati di l’Ottucentu, nascìu ntâ Sicilia.

524863718 b75743e9fe.jpg

Lu Pupu, 'n cunfurntu a la cràssica mariunetta, appi assai canciamenti e nnovazzioni ca lu purtaru a èssiri non cchiù nu pezzu di lignu muvutu pri menzu di fila, ma pigghiau la capacitati d'aviri n'ànima e vita pròpia..


 
 
Icuna canciaSprissioni siciliani - Modi di diri
 
 
Icuna canciaFàuli e Cunti

La fàula (dû latinu fàbula) è nu brevi cuntu fantàsticu cu ntentu murali li cui prutagunisti sunnu pi lu cchiù armali, chianti, èssiri nun animati, eccetra.

Poti èssiri macari na cosa nun vera, mmintata (zoè na fandonia).



Li cunti (o "cunta", o "cùntura") ponnu èssiri cunti veri, di fatti accaduti rialmenti, o cunti fàusi, di fatti mmintati di la genti. Li cunti veri e chiddi fàusi a voti vèninu ammiscati, picciò cu li cunti nun sempri si canusci la viritati. A voti li cunti sù cuntati pi nzignamentu.

 
 
Icuna canciaMiti e liggenni dâ Sicilia (leggi tuttu l'artìculu )


La Sicilia è lijata a na nfinità di miti e liggennni ca nta li sèculi hannu nfruinzatu la curtura e li tradizzioni. Assai di chissi vènunu di cunti urali, fàuli, ntrippitazioni fàusi e mminzioni.

Cartella rossa.jpg
Fairytale bookmark.png
Aci e Galatea
Aci e galatea acireale.jpg









Aci, era un pastureddu ca viveva, pasculannu li sò pecuri, nte pinnici di l’Etna. Di iddu era nnammurata na biddìssima carusidda, ca si chiamava Galatea e ca avìa rispintu la pruposta d’amuri di Polifemu.

Chistu, quannu s’accurgìu ca Galatea sa facìa cu lu pastureddu Aci, lu ammazzò, p’aviri, accussì, la strata lìbbira cu la bedda carusedda Galatea. Ma, l’amuri di Galatea pi lu sò Aci, cuntinuò macari nfinu a doppu ca chistu era mortu, e Polifemu ristò comu nu passuluni. La janca Nereide, scunzulata, cu l’ajutu di li Dei, traspurmò lu corpu mortu di Aci nta surgivi di acqua duci, ca ancora oggi scìnninu pi li pinnici di l’Etna, vucalijannu sona malincònici di struggenti nustalgìa.



Leggi tutta la liggenna di Aci e Galatea

Pix.gif
Cartella blu.jpg
Fairytale bookmark.png
Polifemu
Libr0328.jpg

Polifemu era nu Ciclopi cû n’occhiu sulu ammenzu a la frunti; figghiu di la ninfa Toosa e di Puseidoni (chiamatu Nittunu dê latini) e frati di Zeus (Giovi) re di l’Olimpu.


Li Ciclopi sunnu figuri favulusi di la mituluggia greca, àuti gigantiscamenti e cû n’occhiu sulu ammenza la frunti (dô grecu kuklops = di l'occhiu tunnu).

Nta èbica antica li mitùgrafi cuntàvunu tri stirpi di ciclopi: i figghi di Uranu e Gaia (lu Celu e la Terra), ca appartinèvunu a la prima ginirazzioni divina di Giganti; i Ciclopi "custruttori", ca custrueru tutti li munumenta pristòrichi ca si vidèvanu ‘n Grecia, ‘n Sicilia e artrovi, costruiti cu grannìssimi blocchi (li "mura ciclòpichi"); e li Ciclopi "siciliani", cumpagni di Polifemo, cuntatu di Omeru



Leggi la liggenna di Polifemu

Pix.gif
Cartella grigia.jpg
Fairytale bookmark.png
Fata Morgana

Na liggenna assai cuntata nta tutti li cuntrati dô Stritto dici ca nta l’èbbica di li nvasioni barbàrichi ntô misi d’austu, mentri celu e mari eranu senza nu ciusciu di ventu, e na negghia nica-nica faceva comu a nu velu a l'urizzonti, li bàrbari doppu ca attravissaru tutta la pinìsula taliana, agghicaru ntê costi dâ cità di Riggiu e s’attrovaru davanti a lu stritto ca sparti la Calàbbria da Sicilia.
‘N facci, nta l’àutra spunna dô mari, vìttiru n'isula - la Sicilia - cu nu granni munti fumanti - l'Etna - e lu Re bàrbaru s’addumannò comu putìa fari pi agghiuncìrila truvànnusi senza mancu na varca. Mpruvvisamenti apparìu na fimmina bedda assai, ca ci uffrìu l'ìsula a lu cunquistaturi e cu nu cennu dâ manu ci la fici appariri vicinissima, a purtata di manu . Taliannu nta l'acqua iddu vidìa chiari li munti, li spiaggi, li strati di campagna e li navi ntô portu comu si putissi tuccàrili chê manu. Picciò lu Re bàrbaru sautò ‘n terra dô cavaddu e si jittò nta l'acqua, sicuru di putiri agghicari a l'ìsula cu nu paru di brazzati, ma li ncantèsimu si ruppi e lu Re annijò. Tuttu chiddu ca avìa vistu era, nfatti, nu miraggiu, nu jocu di luci di la bedda e scanusciuta fìmmina, ca era la Fata Morgana.

Pix.gif

[[immagine:HILLBLU_w.png|23px|left|Logo della sezione Giufà (leggi tuttu l'artìculu)]]

Giufà (leggi tuttu l'artìculu)

-
Giufà ntâ sò virsioni spagnola di Nasreddin.

Giufà è lu prutagonista di cunta pupulari siciliani di urìggini àrabba. Tanticchia babbu, ni cummina di tutti li culura, ma quasi sempri ci finisci bona, senza chi si nni renni cuntu. Di caràttiri sèmplici, ingenû, vivi ogni jornu comu c'ammatti, pigghiannu la jurnata comu veni.

Storia

Lu stissu pirsunaggiu cu li stessi storî, si trova nta àutri tradizzioni pupulari dî paisi dû meditirraniu. Si chiama Djeha in Algeria e n Maroccu, Goha n Eggittu, Nasreddine Hodja n Turchìa, uguali n Calabbria, Giaffah n Sardigna, Gihane a Malta.... e ancora Giucca n Tuscana, Giucà n'Albanìa, Turlulè n Trentinu, Noodles ntê paisi angrusàssuni.

Giufà nti la littiratura

Na trascrizzioni n sicilianu di sti cunta si pò truvari nti Fiabe, novelle e racconti popolari sicilani di

Giuseppi Pitrè. Puru Italu Calvinu n Fiabe italiane arripigghiau certi cunta di Giufà dû libbru di Pitrè.
Pix.gif
Pix.gif
Pix.gif
Pix.gif
Pix.gif
23px|left|Logo della sezione Nu cuntu di Giufà

Nu cuntu di Giufà

-

Giufà e la cijocca

Si cunta ca 'na vota cc'era Giufà; sò matri si nni ijvu a la Missa e cci dissi: «Giufà, vidi ca staju jennu a la Missa, vidi ca cc'è la cijocca, e hav'a cuvari l'ova, la pighgii, cci duni a manciari la suppa e appoi la minti 'n capu arredi, ca nun bazzi ca s'arrifrìddanu l'ova.»

Giufà pigghia la cijocca, cci fa la suppa cû pani e vinu e la civa, tantu chi la civa ca cci la fudda cu li jita e l'affucca e chista mori; quannu Giufà vidi la cijocca accussì morta, dici: «Ora comu fazzu, ca l'ova s'arrifrìddanu! ora mi cci mentu jù 'n capu a l'ova.»
Si leva li càusi e la cammisa e s'incula 'n capu a l'ova, e si cci assetta.

Veni sò matri e cci grida: «Giufà, Giufà!»

Arrispunni Giufà: «Un cci pozzu viniri, ca sugnu cijocca e sugnu misu 'n capu a l'ova , manzinò s'arrifrìddanu.»

Sò matri si metti a gridari: «Birbanti, birbanti ! ca tutti l'ova scafazzasti!»

Si susi Giufà e l'ova sunni tutti na picata.
Pix.gif
Pix.gif
Pix.gif
Pix.gif
Pix.gif
 
 
Icuna canciaLi filastròcculi (o tiriteri) - (lèggini àutri)
Tri tri tri
setti fìmmini pi un tarì
ma un tarì è troppu pocu
setti fìmmini pi un piricocu
un piricocu è troppu duru
setti fìmmini pi un mulu
û mulu jetta càuci
setti fìmmini pi na fàuci
e la fàuci è tagghenti
setti fìmmini pi un serpenti
û serpenti è muzzicarolu
setti fìmmini pi un cannolu
û cannolu è di canna
setti fìmmini pi na manna
â manna è di linu
setti fìmmini pi un parrinu
û parrinu dici â missa
fici nsigna a la batissa
â batissa jvu na l'ortu
pi scippari un peri di finocchiu
e ci vinni di cacari
fici un trunzu quantu û mari.


Pìzzica, jaddu,
pani e furmaggiu;
veni lu cani,
si pigghia lu pani;
veni lu jattu,
si pigghia û furmaggiu.
Arrassu, canazzu!
Chissi,...jattazzu
Dumani è duminica
ci tagghiamu â testa a Minica
Minica non c'è
ci tagghiamu â testa ô Re
û Re è malatu
ci tagghiamu â testa ô surdatu
û surdatu è a fari â guerra
ci ntappamu û culu 'n terra
ni vivemu un quantu di vinu
ci ntappamu û cularinu
Cc'era na vota un re
Cc'era na vota un re, bafè, viscottu e minè
c'aveva na figghia, bafigghia, viscottu e minigghia.
Sta figghia, bafigghia, viscottu e minigghia,
aveva n'aceddu, bafeddu, viscottu e mineddu
Gn'jornu st'aceddu, bafeddu, viscottu e mineddu abbulò.
Allura lu re, bafè, viscottu e minè dissi:
a cu' trova l'aceddu, bafeddu, viscottu e mineddu
cci dugnu a me figghia, bafigghia viscottu e minigghia
Jù truvai l'aceddu, bafeddu, viscottu e mineddu,
ci dissi un carusu, vavusu, fitusu, viscottu e minusu
Allura , lu re, bafè, viscottu e minè ci dissi,
e jù pi n'aceddu bafeddu, viscottu e mineddu,
ti dava a me figghia bafigghia, viscottu e minigghia?
Ah! Vattinni, vavusu, fitusu, murvusu, viscottu e minusu.


[[immagine:|23px|left|Logo della sezione Friscalettu (leggi tuttu l'artìculu)]]

Friscalettu (leggi tuttu l'artìculu)

-
Friscalettu.jpg

Lu friscalettu (chiamatu macari fràutu, fischiettu, frischiettu, o faraùtu, a secunnu dê diminzioni) è nu strumentu musicali a ciatu di urìggini greca, custruitu ccu canna miditirrania.

Lu sonu dô friscalettu addiventa acutu o gravi a secunnu dû spissori ca pussedi la canna. Duranti la sò custruzzioni, veni tagghiata la chianta di canna nudosa prima e dopu i dui nodi, 'n modu di dari vita a la mbuccatura di na parti e a la chiusura o " culazza" di l'àutra; parti dâ mmuccatura veni fatta di lignu diversu dâ canna, spissu cu lignu di piru.
Pix.gif
Pix.gif
Pix.gif
Pix.gif
Pix.gif
[[immagine:|23px|left|Logo della sezione Bùmmulu (leggi tuttu l'artìculu)]]

Bùmmulu (leggi tuttu l'artìculu)

-
Bùmmulu.jpg

Lu bùmmulu è nu cuntinituri di terracotta, ca na vota vinìa usatu pi jìnchìrilu di acqua e mantinìrila frisca ppi tutta la jurnata. Havi la vucca stritta, spissu havi dù mànichi e nta la parti di sutta s'allarga e forma na speci di panza.

Ppô vinu vinìa usatu, nveci, na varianti cchiù nicaredda dô bùmmulu, cu na furma tanticchia cchiù scacciata e chissu vinìa chiamatu ciascu.

Nta arcuni bùmmuli vinìa fattu o centru di la panza nu purtuseddu ntuppatu cu nu lignuzzu: di ssù purtusu si biveva.
Pix.gif
Pix.gif
Pix.gif
Pix.gif
Pix.gif


[[immagine:|23px|left|Logo della sezione Carrettu sicilianu (leggi tuttu l'artìculu)]]

Carrettu sicilianu (leggi tuttu l'artìculu)

-
Cart3.gif


Lu carrettu, cchiù canusciutu dî forasteri cu l'appillativu di sicilianu, è nu menzu di trasportu agrìculu in usu nta tuttu lu tirritoriu sicilianu nzina â secunna mità dû vintèsimu sèculu, quannu divinni obsoletu pi la criscenti muturizzazzioni dû travagghiu dî campagni. Di lignu e trainatu dûn cavaddu o di nu scecccu, si cumponi di dû roti granni e di n'aria pi lu trasportu dâ merci e dî pirsuni. Lu fattu ca è spissu dicuratu cu quatra di culura sgargianti rapprisintanti spissu storî èpichi di orìggini mediuevali, n'ha fattu unu dî sìmmuli di l'iconografìa folclorìstica siciliana. Lu si pò truvari ancora oggi ntê centri stòrici siciliani comu curiusità pî turisti, pi fàrisi nu giru o na fotu, o in miniatura nta tutti li negozzî di souvenir dâ Sicilia. Certi voti è usatu puru pi cerimonî particulari comu li spusalizzia o àutri festi pùbblichi e privati.
Pix.gif
Pix.gif
Pix.gif
Pix.gif
Pix.gif
[[immagine:|23px|left|Logo della sezione Marranzanu (leggi tuttu l'artìculu)]]

Marranzanu (leggi tuttu l'artìculu)

-
Marranzanu sicilianu.jpg
Lu marranzanu è na sorta di scacciapinzeri, tìpicu dâ Sicilia. Stu strummentu musicali è tìpicu di la mùsica folclurìstica siciliana e è usatu, 'n particulari, pî tarantelli.
Pix.gif
Pix.gif
Pix.gif
Pix.gif
Pix.gif


[[immagine:HILLBLU_w.png|23px|left|Logo della sezione Cucina siciliana (leggi tuttu l'artìculu)]]

Cucina siciliana (leggi tuttu l'artìculu)

-
Pasta alla norma.jpg
La gastrunumìa siciliana è cu prubbabbilità la cchiù antica di l'Italia, è forsi la cchiù ricca di spicialità, è sicuramenti la cchiù scinogràfica.
Lu chiattu gastrunòmicu cchiù talianu ca c'è, la pasta-asciutta, macari idda, eppi nta l'ìsula dô suli la sò culla a l'èbbica dâ duminazzioni àrabba. Lu nomu cchiù anticu era maccaruni, ca veni di maccare, zoè ammaccari e scacciari lu frummentu pi mpastàrilu.
Pix.gif
Pix.gif
Pix.gif
Pix.gif
Pix.gif


[[immagine:HILLBLU_w.png|23px|left|Logo della sezione Fistinu (leggi tuttu l'artìculu)]]

Fistinu (leggi tuttu l'artìculu)

-
Pi lu Fistinu si sòlinu manciari tanti spicialità palirmitani comu: li Babbaluci (vugghiuti) , lu Scacciu (cìciri e sumenzi di cucuzza atturrati), la Cubbarda (cruccanti ê mènnuli), li Felli (Milanciani fritti), lu Pani câ mèusa (fucazza cu mèusa), lu Sfinciuni (fucazza cu pumadoru e tantìssima cipudda), lu pani e panelli.
Pix.gif
Pix.gif
Pix.gif
Pix.gif
Pix.gif
[[immagine:HILLBLU_w.png|23px|left|Logo della sezione Cuscussu (leggi tuttu l'artìculu)]]

Cuscussu (leggi tuttu l'artìculu)

-
Couscous-1.jpg
Lu cuscusu o cuscus è nu piattu tìpicu dâ cucina nordafricana, custituiutu di sìmmula cotta a vapuri, â quali vennu agghiunciuti carni e virduri vugghiuti n sarsi arumàtichi e piccanti.
Ntâ Sicilia uccidintali, supratuttu tra Mazzara e Tràpani lu cuscus è na spicialità tradizziunali e si pripara cû pisci nveci dâ carni
Pix.gif
Pix.gif
Pix.gif
Pix.gif
Pix.gif


[[immagine:HILLBLU_w.png|23px|left|Logo della sezione Arancinu (leggi tuttu l'artìculu)]]

Arancinu (leggi tuttu l'artìculu)

-
Arancini 002.jpg

L' arancina (o arancinu) è una dî spicialità di la cucina siciliana ntra li cchiù canusciuti. Si tratta di na palla di risu, di 8-10 centìmitri, jinchiuta di na cumpusizzioni di sarsa, di furmaggiu picurinu, nu pezzu nicu di carni e, a voti, nu quartu di ovu duru o pisedda, lu tuttu misu a frìjiri nta l'ogghiu. Na vota ca lu risu arriva a aviri lu culuri di n'arancia, si pò nèsciri e si pò manciari.
La forma cancia a secunna di li zoni: ntâ zona di Palermu pigghia la forma di na palla tunna e si chiama arancina; ntâ zona di Catania pigghia la forma di na palla pizzuta e si chiama arancinu.


Pix.gif
Pix.gif
Pix.gif
Pix.gif
Pix.gif
23px|left|Logo della sezione Àutri spicialitati

Àutri spicialitati

-
  • La Scaccia è n'alimentu tradizzionali dâ cucina siciliana. Si cumponi di nu stratu di pasta chi piegatu in tri o quattru strati pò èssiri farcitu di diversi maneri.
  • La granita siciliana o simplicimenti granita, comu a lu gilatu, è n'alimentu arrifriscanti. Ntâ sò ricetta basi si cumponi di acqua, zùccaru e lumìa, ma altirnativamenti la lumìa pò èssiri scanciata cu mènnuli a puzzuddi, café, o autri assenzi.
  • La cassata siciliana o simplicimenti cassata (di l'àrabu qas'at, "bacinedda") è na torta tradizziunali siciliana a basi di ricotta zuccurata, pan di Spagna, pasta riali, frutta candita e glassa di zùccuru.
  • La ricotta salata è un prudottu tìpicu dô miridiuni talianu, arrivata câ culunizzazioni greca. Veni assai cunzumata particularmenti ntâ pruvincia di Catania, unni è ndispinzàbbili, misa ô postu dû furmaggiu grattuggiatu, pi cunniri la famusa pasta a la norma, piattu tìpicu dô catanisi.
Pix.gif
Pix.gif
Pix.gif
Pix.gif
Pix.gif