Prima guerra munniali

Dâ Wikipedia, la nciclupidìa lìbbira.
(Rinnirizzata di Prima Verra Mundiali)

La Prima guerra munniali (pi li cuntimpurànii Granni guerra) fu lu cunfrittu accuminzatu lu 28 di giugnettu1914 doppu l'ammazzatina di l'archiduca Franciscu Firdinannu, aredi di lu tronu di lu Mpiru Austru-Ungàricu, chiumputa a Sarajevu (Bosnia) lu 28 di giugnu1914 di parti di lu studenti nazziunalista serbu-busnìacu Gavrilo Princip, e accabbatu l'11 di nuvèmmiru1918 cu la rinnuta di la Girmania.

 sò accuminzagghia la Prima guerra munniali vidi lu ncontru di lu Mpiru cintrali di Girmania e Austria-Ungarìa contru a la Serbia, lu Muntinegru, lu Bergiu e li nazzioni di la Ntisa Trìplici: Francia, Regnu Unitu (chî Dominion) e la Russia.

Lu cunfrittu s'allaricau succissivamenti a chiù nazzioni. Traseru n guerra alliati di lu Mpiru cintrali: Lu Mpiru Uttumanu (1914) e la Bulgarìa (1915).
Traseru n guerra alliati di la Ntisa Trìplici: lu Giappuni (1914), L'Italia, ca lassau l'Allianza Trìplici (1915), lu Portugallu (1916), la Rumanìa (1916), li Stati Uniti (1917), Panama (1917), Cuba (1917), la Grecia (1917), lu Siam (1917), la Libberia (1917), la Cina (1917), lu Brasili (1917), lu Guatemala (1918), lu Nicaragua (1918) è lu Costarica (1918).

Tutti li cuntinenti participaru accussì ca si potti difiniri la guerra comu "munniali", pi la prima vota ntâ storia.

Ntâ Turchìa[cancia | cancia la surgenti]

Pt centre anzac ent-lead 200x317.jpg

Lu 25 di aprili1915 nu squatruni di l'Australia e dâ Nova Zilanda cummattìa: li forzi d'ANZAC attàccanu la Turchìa ntâ pinisula di Gallìpuli unni mòrinu tanti surdati d'ogni latu.