Pieru Calamandrei

Dâ Wikipedia, la nciclupidìa lìbbira.
« Populu sirratu 'ntornu a lu munumentu ca si ciama ora e sempri Risistenza »
(Pieru Calamandrei, Lapide ad ignominia)

Pieru Calamandrei (Firenzi 21 di aprili 1889, 27 di sittèmmiru 1956) fu giurista, avvucatu e ducenti universitariu italianu.

Biuggrafia[cancia | cancia la surgenti]

Primi anni[cancia | cancia la surgenti]

Doppu sirisi lauriatu in Liggi a l'Univirsitati di Pisa nta lu 1912 participau a diversi cuncursa e nta lu 1915 fu numinatu prufissuru ri prucidura civili a l'Univirsitati di Missina.
Nta lu (1918) fu ciamatu a l'Univirsitati di li Sturi di Modina e Reggiu Imilia ppi puoi passari a chidda di Siena e a fini, nta lu 1924, scigghiu di passari a nova facultati giuriddica ri Firenzi, unni tinìu finu a so scumparsa a cattidra ri dirittu prucissuali civili.

Pigghiau parti a Prima verra munniali comu ufficiali vulontariu cumbattenti nta lu 218° riggimentu di fantiria ppi nèsciri cu lu gardu di capitanu e succissivamenti fu prumossu culunnellu ma prifiriu nèsciri subbitu di l'isercitu ppi cuntinuari a so carriera accademica.

Lu studiosu[cancia | cancia la surgenti]

Da so vasta pruduzzioni giuriddica, eni di ricurdari supratuttu l'Introduzzioni ô studiu di li misuri cautilari di lu 1936, na trattazzioni d'avanguardia, chi ci fa fari nu balzu n'avanti a scenza prucissuali taliana.
Li intuizzioni di stu travagghiu sunu cunfruiuti nta lu quatru libbru di lu codici di prucidura civili do 1942, e spicificamenti nta lu capu terzu (articula di lu 670 a 702 nta lu testu cchiu vecciu).

Sutta lu fascismu[cancia | cancia la surgenti]

Puliticamenti schieratu a sinistra, subbitu ruoppu a marcia su Roma e a vittoria di lu fascismu fici parti di lu cunsigghiu dirittivu di l'Unioni Nazzionali funnata di Giovanni Amendola.
Participau, nzemi cu Dino Vannucci, Irnestu Rossi, Carlu Russelli e Nellu Rosselli a dirizzioni di "Italia Libbira", nu gruppu clandistinu di ispirazzioni azziunista.
Manifistatu sempri a so avvirsioni a dittatura mussuliniana, adirennu nta lu 1925 ó Manifestu di l'intillittuali antifascista ri Binidittu Croci.
Duranti lu vintenniu fascista a statu unu di li picca prufissuri e abbucata ca nun ci appi a tessira du Partitu Nazziunali Fascistacuntinuannu sempri a faciri parti di lu muvimentu antaggunista e cullaburannu ca tistata Nun Mullari.
Nunustanti chissu, nta lu 1931 giurau comu prufissuri univirsitariu di essiri fideli a lu riggimi fascista.