Partitu Sucialista dî Siciliani

Dâ Wikipedia, la nciclupidìa lìbbira.
Sìmmulu di lu PSdS

Lu Partitu Sucialista dî Siciliani ('n talianu Partito Socialista dei Siciliani) o PSdS è nu partitu pulìticu sicilianu.

Storia[cancia | cancia la surgenti]

Funnatu lu 21 di maju di lu 2013, nti l'uccasioni di lu 120° annivirsariu di li Fasci siciliani e s'allìa a la spirienza di lu vecchiu Partitu Sucialista Sicilianu ca fu parti mpurtanti di la rivota. E' nu partitu ca porta avanti li idei di lu Sucialìsimu e nti lu stissu tempu di lu Sicilianìsmu, senza pi chissu vuliri èssiri isulazziunista e arristannu fidili a lu ntirnazziunalìsimu e a l'idea di n'Europa di li pòpuli e no sutta lu duminiu di li banchi. Lu Partitu voli attuari lu Statutu d'autonumìa sicilianu 'n chiavi sucialista e voli èssiri puntu di rifirimentu 'n Sicilia pi tutti chiddi ca crìdinu nti li idei di la manca.

Lu 21 di maju 2013, doppu nu sit-in p'arricurdari li Fasci Siciliani, a Palermu, li participanti si spustaru a lu Palazzu di l'Aquili, unni si tinni na Riunioni di li funnaturi, d'unni lu Partitu Sucialista di li Siciliani vinni dichiaratu funnatu e vinni stituiutu nu Cumitatu di Dirizzioni Pruvisoriu di 9 mèmmira, ca havi lu còmpitu di purtari avanti lu partitu avveri lu primu cungressu custituenti ca s'ha tèniri dintra l'annu 2013.

Mèmmira[cancia | cancia la surgenti]

Di lu Cumitatu di Dirizzioni Pruvisoriu fannu parti genti ca vèninu di lu vecchiu Partitu Sucialista Talianu (ex PSI), di lu sicilianismu, di li sinnacati e di l'ambienti univirsitariu, li 9 mèmmira sunnu:

  • Fabio Cannizzaro
  • Antonio Matasso
  • Giuseppe Coniglione
  • Ignazio Buttitta
  • Franco Gioia
  • Leonardo D'Angelo
  • Ignazio Coppola
  • Turi Lombardo
  • Nino Gennaro.

Lijami sterni[cancia | cancia la surgenti]